മലയാളത്തിന്റെ മെഗാസ്റ്റാർ മമ്മൂട്ടിയെ നായക കഥാപാത്രമാക്കിക്കൊണ്ട് തമിഴിലെ പ്രശസ്ത സംവിധായകൻ ഗൗതം വാസുദേവ് മേനോൻ സംവിധാനം നിർവ്വഹിക്കുന്ന ചിത്രത്തിന്റെ ഓരോ അപ്ഡേറ്റുകൾക്കായും അക്ഷമയോടെ കാത്തിരിക്കുകയാണ് ആരാധകർ. ഇപ്പോൾ മമ്മൂട്ടിയുടെ പിറന്നാൾ ദിനത്തോടനുബന്ധിച്ച് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ. ‘ഡൊമിനിക് ആൻഡ് ദ ലേഡീസ് പേഴ്സ്’ എന്ന് പേര് നൽകിയിരിക്കുന്ന ഈ ചിത്രത്തിന്റെ ഫസ്റ്റ് ലുക്ക് ഇതിനോടകം പ്രേക്ഷകർ ഏറ്റെടുത്തുകഴിഞ്ഞു. ഗൗതം വാസുദേവ് മേനോൻ ആദ്യമായി മലയാളത്തിൽ സംവിധാനം നിർവ്വഹിക്കുന്ന ഈ ചിത്രം, ഡോക്ടർ സൂരജ് രാജൻ, ഡോക്ടർ നീരജ് രാജൻ എന്നിവർ ചേർന്നാണ് എഴുതിയിരിക്കുന്നത്. മമ്മൂട്ടി കമ്പനിയുടെ ബാനറിൽ മമ്മൂട്ടി നിർമ്മിക്കുന്ന ആറാമത്തെ ചിത്രം കൂടിയാണിത് എന്നൊരു പ്രത്യേകതയും ഇതിനുണ്ട്.
View this post on Instagram
ഒരു വെള്ള ബാത്ത്റോബ്സ് ധരിച്ച് കയ്യിൽ ഒരു ലേഡീസ് പഴ്സുമായി പോകുന്ന മമ്മൂക്കയെ ആണ് ഫസ്റ്റ് ലുക്ക് പോസ്റ്ററിൽ നമ്മുക്ക് കാണാൻ സാധിക്കുക. പുറകിലെ ഷെൽഫിലായി ഒരുപാട് പുസ്തകങ്ങളും ലേഡീസ് പഴ്സുകളും, ലേഡീസ് ബാഗും കാണാം. ഒപ്പം ചുവരിൽ ഉള്ള ബോർഡിൽ കുറച്ച് , സ്ത്രീകളുടെ ഫോട്ടോകളും കാണാം. ഒരു ക്രെെ ത്രില്ലറിനുള്ള ഗൂഢമായ എന്തോ ഒന്ന് പോസ്റ്ററിൽ ഒളിപ്പിച്ചിട്ടുണ്ട്.
കൊച്ചി, മൂന്നാർ എന്നിവിടങ്ങളിലായി പ്രധാനമായും ചിത്രീകരിക്കുന്ന ഈ സിനിമയുടെ ചിത്രീകരണം ഉടൻ തന്നെ പൂർത്തിയാകും എന്നാണ് പുറത്തുവരുന്ന വിവരങ്ങൾ. ഗോകുൽ സുരേഷ്, ലെന, സിദ്ദിഖ്, വിജി വെങ്കടേഷ്, വിജയ് ബാബു, മീനാക്ഷി ഉണ്ണികൃഷ്ണൻ എന്നിവരാണ് ഈ ചിത്രത്തിൽ മറ്റ് പ്രധാന കഥാപാത്രങ്ങളായി വേഷമിടുന്നത്. കോമഡിക്കും ഏറെ പ്രാധാന്യമുള്ള ഒരു ക്രൈം ത്രില്ലർ ആയാണ് ഈ ചിത്രം ഒരുക്കുന്നതെന്നാണ് പുറത്തുവരുന്ന സൂചന. വിഷ്ണു ദേവ് കാമറ കെെകാര്യം ചെയ്യുന്ന ഈ ചിത്രത്തിന് സംഗീതം പകരുന്നത് ദർബുക ശിവ ആണ്. ആന്റണി എഡിറ്റിംഗ് നിർവഹിക്കുന്ന ചിത്രത്തിന്റെ എക്സികുട്ടീവ് പ്രൊഡ്യൂസർ ആയെത്തുന്നത് ജോർജ് സെബാസ്റ്റ്യൻ, കോ- ഡയറക്ടർ ആയെത്തുന്നത് പ്രീതി ശ്രീവിജയൻ, ലൈൻ പ്രൊഡ്യൂസർ – സുനിൽ സിങ്, സൗണ്ട് മിക്സിങ് – തപസ് നായക്, സൗണ്ട് ഡിസൈൻ – കിഷൻ മോഹൻ, ചീഫ് അസ്സോസിയേറ്റ് ഡയറക്ടർ – അരിഷ് അസ്‌ലം, മേക് അപ് – ജോർജ് സെബാസ്റ്റ്യൻ, റഷീദ് അഹമ്മദ്, വസ്ത്രാലങ്കാരം – സമീര സനീഷ്, അഭിജിത്, പ്രൊഡക്ഷൻ ഡിസൈനർ – ഷാജി നടുവിൽ, പ്രൊഡക്ഷൻ കൺട്രോളർ – അരോമ മോഹൻ, സ്റ്റിൽസ്- അജിത് കുമാർ, പബ്ലിസിറ്റി ഡിസൈൻ- എസ്തെറ്റിക് കുഞ്ഞമ്മ, ഡിസ്ട്രിബൂഷൻ – വേഫേറർ ഫിലിംസ്, ഓവർസീസ് ഡിസ്ട്രിബൂഷൻപാർട്ണർ- ട്രൂത് ഗ്ലോബൽ ഫിലിംസ്. ഡിജിറ്റൽ മാർക്കറ്റിംഗ് – വിഷ്ണു സുഗതൻ, പിആർഒ – ശബരി.