‘വില കുറച്ച് കൂടുതലാണ് കേട്ടോ…’: നയൻതാരയുടെ 9സ്കിൻ ബ്രാൻഡിനെതിരെ വിമർശനം

0
211

തെന്നിന്ത്യൻ ലേഡി സൂപ്പർസ്റ്റാർ നയൻതാരയുടെ ഇൻ​സ്റ്റഗ്രാമിലേക്കുള്ള വരവിനെ ആഘോഷത്തോടെയാണ് ആരാധകർ ഏറ്റെടുത്തത്. അതിലുമധികം ആവേശത്തോടെയായിരുന്നു താരത്തിന്റെ പുതിയ സ്കിൻകെയർ ബ്രാൻഡിനെ അവർ വരവേറ്റത്. കഴിഞ്ഞ ദിവസം ഔദ്യോഗികമായി ആരംഭിച്ച 9സ്കിൻ ബ്രാൻഡിനെതിരെ ഇപ്പോൾ ചില വിമർശനങ്ങളാണ് ഉയർന്നുവരുന്നത്. സാധാരക്കാർക്ക് താങ്ങാവുന്നതിലുമധികം വിലയാണെന്നാണ് ഉയരുന്ന വിമർശനങ്ങൾ.

ആന്റി ഏജിങ് സെറം, ബൂസ്റ്റർ ഓയിൽ, ഗ്ലോ സെറം, നൈറ്റ് ക്രീം, ഡേ ക്രീം മുതലായവയാണ് ബ്രാൻഡ് ആദ്യമായി പുറത്തിറക്കിയിരിക്കുന്ന ഉൽപ്പന്നങ്ങൾ. ഇവയുടെ വില്പന കഴിഞ്ഞ ദിവസമായിരുന്നു ആരംഭിച്ചത്. ഇവയെല്ലാത്തിന്റെയും വില കേട്ട് ഞെട്ടിയിരിക്കുകയാണ് ആരാധകർ. കൂടാതെ ബ്രാൻഡിന്റെ പ്രൊമോഷന് എത്തിയ താരത്തിന്റെ മേക്കപ്പ് ലുക്കിനെയും നിരവധിപേർ വിമർശിക്കുന്നുണ്ട്. കറുത്ത വെൽവെറ്റ് ഗൗൺ ആയിരുന്നു താരത്തിന്റെ വേഷം.

സെലിബ്രിറ്റികളെ ലക്ഷ്യം വെച്ചാണ് 9 സ്കിൻ ആരംഭിച്ചിരിക്കുന്നതെന്നും സാധാരണക്കാർക്ക് ഈ വിലക്ക് ഉൽപ്പന്നങ്ങൾ വാങ്ങാൻ സാധിക്കില്ലെന്നും സോഷ്യൽ മീഡിയയിലൂടെ ആരാധകർ പറയുന്നുണ്ട്. 9സ്കിന്നി​ന്റെ ഒഫീഷ്യൽ പേജിൽ നിരവധി കമ​ന്റുകളാണ് ഇപ്പോൾ ഇതുമായി ബന്ധപ്പെട്ട് വന്നുകൊണ്ടിരിക്കുന്നത്.

ഇൻസ്റ്റാഗ്രാം പേജിലൂടെയാണ് നടി പുതിയ സ്കിൻ കെയർ ബ്രാൻഡ് ആരംഭിക്കുന്ന വിവരം പുറത്തുവിട്ടിരുന്നത്. self love is all we need സ്വയം സ്‍നേഹിക്കുകയെന്നതാണ് സൗന്ദര്യത്തിന്റെ രഹസ്യമെന്ന് പറഞ്ഞാണ് നയൻതാര പുതിയ കമ്പനി പ്രഖ്യാപിച്ചത്. ആറു വർഷത്തെ അശ്രാന്ത പരിശ്രമത്തിന്റെ ഫലമാണ് ജനങ്ങൾക്കു മുന്നിൽ അവതരിപ്പിക്കുന്നതെന്നും, അതിശയകരമായ ചർമസംരക്ഷണ അനുഭവത്തിനായി നിങ്ങൾ തയാറെടുക്കുക എന്നാണ് നയൻതാര ഇൻസ്റ്റാഗ്രാമിൽ പങ്കുവച്ച പോസ്റ്റിൽ പറയുന്നത്.

 

View this post on Instagram

 

A post shared by 9 S K I N (@9skinofficial)

ഇതിനുമുൻപ് നയൻതാര ഡെർമറ്റോളജിസ്റ് ഡോ. രെണിത രാജനുമായി ചേർന്ന് ലിപ് കെയർ സംരഭമായ ”ദ ലിപ് ബാം കമ്പനി” നേരത്തെ ആരംഭിച്ചിരുന്നു. വ്യത്യസ്ത ഫ്‌ളേവറുകളിലും നിറങ്ങളിലുമുളള ആയിരത്തിലധികം ലിപ് ബാമുകൾ വിപണിയിലെത്തിച്ച ലിപ് ബാം കമ്പനിക്ക് വലിയ സ്വീകാര്യതയാണ് ലഭിച്ചത്. പ്രകൃതിദത്തമായ ലിപ് ബാമുകളുടെ വിപുലമായ ശ്രേണി പ്രദാനം ചെയ്യുന്ന, സൗന്ദര്യ വ്യവസായത്തിലെ മുൻനിര ഇ-കൊമേഴ്‌സ് കമ്പനികളിലൊന്നാണ് ഇപ്പോൾ ദ ലിപ് ബാം കമ്പനി. ലോഞ്ച് ചെയ്തതിന് ശേഷം കഴിഞ്ഞ ഒരു വർഷത്തിനിടയിൽ വെഗൻ ലിപ് ബാം, പ്ലാന്റ് അധിഷ്ഠിത ടിൻറുകൾ, ഗർഭിണികൾക്കും മുലയൂട്ടുന്ന അമ്മമാർക്കും കുട്ടികൾക്കും സുരക്ഷിതമായ ലിപ് ബാമുകൾ, തുടങ്ങി നിരവധി ലിപ് ബാമുകൾ കമ്പനി വിപണിയിൽ എത്തിച്ചിരുന്നു.മാത്രമല്ല പ്രിസർവേറ്റീവ്-ഫ്രീ ഓപ്‌ഷനുകൾ, കൃത്യമായ പാക്കേജിംഗ്,വിദ്യാർത്ഥികൾക്ക് താങ്ങാനാവുന്ന മിനി പതിപ്പുകൾ,കുറഞ്ഞ നിരക്ക്,സൺ പ്രൊട്ടക്ഷൻ ലിപ് ബാമുകൾ തുടങ്ങിയ ഫീച്ചറുകളും ദ ലിപ് ബാം കമ്പനിയുടെ പ്രത്യേകതകളായിരുന്നു.

LEAVE A REPLY

Please enter your comment!
Please enter your name here