ചുരുങ്ങിയ കാലയളവിൽ വളരെ വ്യത്യസ്തമായ കഥാപാത്രങ്ങളെ അവതരിപ്പിച്ച് പ്രേക്ഷക മനസ്സുകളിൽ ഇടംപിടിച്ച ദുൽഖർ സൽമാന്റെ ഏറ്റവും പുതിയ ചിത്രമാണ് വെങ്കി അറ്റ്ലൂരി സംവിധാനം ചെയ്യുന്ന ‘ലക്കി ഭാസ്കർ’. ബാങ്ക് കാഷ്യറുടെ വേഷത്തിൽ ദുൽഖർ എത്തുന്ന ഈ ചിത്രത്തിലെ ആദ്യ ഗാനം ‘മിണ്ടാതെ’ കഴിഞ്ഞ ദിവസം അണിയറപ്രവർത്തകർ പുറത്തുവിട്ടിരുന്നു. വൈശാഖ് സുഗുണൻ വരികൾ ഒരുക്കിയ ഗാനം യാസിൻ നിസാറും ശ്വേത മോഹനും ചേർന്നാണ് പാടിയിരിക്കുന്നത്. നാഷണൽ അവാർഡ് വിന്നർ ജി വി പ്രകാശ് കുമാർ സംഗീതം പകരുന്ന ഈ ചിത്രം 2024 സെപ്റ്റംബർ 27നാണ് തീയേറ്ററുകളിലെത്തുക. റിലീസിന് മുന്നോടിയായ് ചിത്രത്തിന്റെ ഭാഗമാവാൻ പ്രേക്ഷകർക്കൊരു സുവർണ്ണാവസരം നൽകിയിരിക്കുകയാണ് ചിത്രത്തിന്റെ അണിയറ പ്രവർത്തകർ. അതിനായ് ചെയ്യേണ്ടത് ഇത്രമാത്രമാണ്, ‘മിണ്ടാതെ’ എന്ന ഗാനത്തിന് ചുവടുവെച്ച് #Mindathe & #LuckyBaskhar എന്നീ ഹാഷ്ടാഗുകളോടെ സോഷ്യൽ മീഡിയയിൽ വീഡിയോ പോസ്റ്റ് ചെയ്ത് റീൽസ് കോബറ്റീഷനിൽ പങ്കെടുക്കുക.
View this post on Instagram
‘ലക്കി ഭാസ്കർ’ ഒരു പാൻ ഇന്ത്യൻ ചിത്രമായതുകൊണ്ടുതന്നെ ഓരോ ഭാഷകളിലെ ഗാനത്തിന്റെ പേരും ഹാഷ്ടാഗും വ്യത്യസ്തമാണ്. മലയാളത്തിൽ #Mindathe & #LuckyBaskhar എന്നാണെങ്കിൽ തെലുഗിൽ #SrimathiGaru & #LuckyBaskhar, തമിഴിൽ #Kolladhey & #LuckyBaskhar, ഹിന്ദിയിൽ #Naaraazgi & #LuckyBaskhar എന്നുമാണ് ഹാഷ്ടാഗുകൾ നൽകേണ്ടത്.
View this post on Instagram
സിതാര എൻ്റർടൈൻമെൻ്റ്സിൻ്റെ ബാനറിൽ സൂര്യദേവര നാഗ വംശിയും ഫോർച്യൂൺ ഫോർ സിനിമാസിന്റെ ബാനറിൽ സായ് സൗജന്യയും ചേർന്ന് നിർമ്മിക്കുന്ന ഈ ചിത്രത്തിൽ ദുൽഖറിന്റെ നായികയായ് മീനാക്ഷി ചൗധരിയാണ് വേഷമിടുന്നത്. ചിത്രത്തിന്റെ ടീസ ഇതിനു മുൻപ് ചിത്രത്തിന്റെ അണിയറ പ്രവർത്തകർ പുറത്തുവിടിടിരുന്നു. വളരെ പ്പെട്ടെന്ന് അത് പ്രേക്ഷകർ സ്വീകരിക്കുകയും ചെയ്തു. കൂടാതെ കഴിഞ്ഞ ദിവസം എത്തിയ ഗാനവും പ്രേക്ഷകർ നെഞ്ചിലേറ്റിയിരുന്നു.
തെലുഗു, മലയാളം, ഹിന്ദി, തമിഴ് എന്നീ ഭാഷകളിലായ് ഒരുങ്ങുന്ന ചിത്രം ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്. ‘തോളി പ്രേമ’, ‘വാത്തി’ എന്നീ ചിത്രങ്ങൾക്ക് ശേഷം വെങ്കട് അട്ലൂരി സംവിധാനം ചെയ്യുന്ന ചിത്രമാണ് ‘ലക്കി ഭാസ്കർ’. ചിത്രത്തിന്റെ ഛായാഗ്രഹണം നിർവ്വഹിക്കുന്നത് നിമിഷ് രവി ആണ്, പ്രൊഡക്ഷൻ ഡിസൈൻ ചെയ്യുന്നത് ബംഗ്ലാൻ, ചിത്രസംയോജനം നിർവ്വഹിക്കുന്നത് നവിൻ നൂലി ആണ് . പിആർഒ: ശബരി.