പ്രേക്ഷകരെ ആവേശത്തിലാക്കിക്കൊണ്ട് തീയേറ്ററിൽ നിറഞ്ഞ സദസിൽ പ്രദർശനം തുടർന്നുകൊണ്ടിരിക്കുന്ന മമ്മൂക്ക ചിത്രമാണ് ‘ടർബോ’. തീർത്തും പ്രേക്ഷകരെ ത്രില്ലടിപ്പിക്കുന്ന ആക്ഷൻ ചിത്രമായ ടർബോയിലെ പല ഫെെറ്റ് സീക്വൻസുകളും വളരെ റിസ്ക്കെടുത്താണ് എടുത്തിട്ടുള്ളതെന്ന് പറയുകയാണ് ചിത്രത്തിന്റെ സംവിധായകൻ വെെശാഖ്. ഒരു ഫെെറ്റ് സീനിന്റെ ഷൂട്ടിങ്ങിനിടയിൽ മമ്മൂക്ക വീണതും, സെറ്റ് മുഴുവൻ വിറച്ച് സതംഭിച്ചുപോകുകയും ചെയ്ത സംഭവമുണ്ടായിട്ടുണ്ടെന്നും, മമ്മൂക്ക വലരെ സരസമായി ആ സന്ദർഭം കെെകാര്യം ചെയ്തുവെന്നും വെെശാഖ് പറഞ്‍ഞു. സിനിമയുടെ വിജയത്തിന് ശേഷം മൂവി വേൾഡ് മീഡിയയ്ക്ക് നൽകിയ അഭിമുഖത്തിലാണ് വെെശാഖ് ഷൂട്ടിങ്ങിലെ റിസ്ക്കുകളും മമ്മൂക്കയുൾപ്പെടെ ഉള്ള ക്രൂ എങ്ങനെ അത് തരണം ചെയ്തു എന്നുള്ള കാര്യങ്ങളും പങ്കുവെച്ചത്.
വൈശാഖിന്റെ വാക്കുകൾ…
”ആക്ഷൻ ഒക്കെ മമ്മൂക്ക തന്നെയാണ് എപ്പോഴും ചെയ്യുന്നത്. അതിനുതയ്യാറായിത്തന്നെയാണ് ഈ കഥാപാത്രത്തെ അദ്ദേഹം സ്വീകരിച്ചത്. ഒരിക്കൽ ഒരു ഫെെറ്റ് സീൻ ഷൂട്ട് ചെയ്യുകയായിരുന്നു. ആ സീനിൽ കയർ വലിക്കുന്നതിന്റെ സിങ്ക് തെറ്റിപ്പോയത് കാരണം ഒരാൾ എഴുന്നേറ്റുകൊണ്ടിരുന്ന മമ്മൂക്കയുടെ മേലേക്ക് ചെന്ന് ഇടിച്ചു. എഴുന്നേൽക്കാൻ ശ്രമിക്കുന്ന സമയത്ത് വന്നിടിച്ചതുകൊണ്ട് മമ്മൂക്കയ്ക്ക് ബാലൻസ് കിട്ടിയില്ല. അദ്ദേഹം കറങ്ങി അടുത്തുള്ള ടേബിളിൽ തലയിടിച്ച് വീണു.
ആ സമയത്ത് ഞങ്ങൾ എല്ലാവരും പകച്ച് വിറച്ചുപോയി. പെട്ടന്നൊരു കൂട്ടക്കരച്ചിൽ കേട്ടപോലെയാണ് എനിക്ക് തോന്നിയത്. ഞാൻ ഓടിച്ചെന്ന് മമ്മൂക്കയുടെ കെെയ്യിൽപിടിച്ചു. ഞാനായിരുന്നു വിറച്ചുകൊണ്ടിരുന്നത്. ഫെെറ്റ് മാസ്റ്റർ അവിടെനിന്ന് കുട്ടിയെപ്പോലെ കരച്ചിലായിരുന്നു. എല്ലാവരും വിറച്ചു ഭയന്നുപോയിരുന്നു. പന്ക്ഷെ മമ്മൂക്ക ഒന്ന് ഓക്കെ ആയശേഷം അവരോട് ചെന്നുപറഞ്ഞു കുഴപ്പമൊന്നുമില്ല, അതൊക്കെ എപ്പോഴും സംഭവിക്കുന്നതല്ലെ, മനഃപ്പൂർവ്വം ചെയ്യുന്നതല്ലല്ലോ എന്നൊക്കെപ്പറഞ്ഞ് സമാധാനിപ്പിച്ചു. ജോർജേട്ടന്റെ അടുത്തും പോയി സമാധാനിപ്പിച്ചു, കാരണം ആ ദിവസം മുഴുവൻ അഡ്ഡേഹം തളർന്നുപോയിരുന്നു, അത്രയ്ക്ക് ഭയന്നുപോയിരുന്നു. അങ്ങനെയുള്ള കൊറെ സംഭവങ്ങൾ ഉണ്ടായിട്ടുണ്ട്.
പലരും പറയുന്നുണ്ട് അഞ്ചാറ് മുറിവുകളൊക്കെ ഉണ്ടായിട്ടുണ്ടെന്ന്. അഥൊന്നുമല്ല അധിലധികം മുറിവുകളും സ്ക്രാച്ചുകളുമൊക്കെ ഉണ്ടായിട്ടുണ്ട്. പന്ക്ഷെ ഇതൊക്കെ ഇതിന്റെ ഭാഗമാണ്, അങ്ങനെയൊക്കെ സംഭവിക്കും എന്ന് ചിന്തിക്കുന്നതുകൊണ്ടാണ് ഷൂട്ട് മുന്നോട്ട് പോകുന്നത്. കാരണം അതിലും റിസ്ക്ക് നിറഞ്ഞ ഷോട്ടുകളാണ് പിന്നെ എടുക്കാനുള്ളത്. അന്ന് ആ വിഴ്ച്ച കഴിഞ്ഞ് അദ്ദേഹംം ഒന്നുപോയി ഫ്രഷ് ആയി വന്നിട്ട് അടുത്ത ഷോട്ടിന് കയറി.”