ലോകേഷ് കനകരാജ് ചിത്രം ലിയോയെ പ്രശംസിച്ച് നടി കല്യാണി പ്രിയദർശൻ.ചിത്രം കണ്ടതിന് ശേഷം എക്സിലൂടെയാണ് നടി പോസ്റ്റ് പങ്കുവച്ചിരിക്കുന്നത്.”ബാഡ് ആസ് മാ! അതാണ്, അതാണ് ട്വീറ്റ്”, എന്നാണ് കല്യാണി എക്സില് കുറിച്ചിരിക്കുന്നത്.കല്യാണിക്കൊപ്പം നടിമാരായ കീർത്തി സുരേഷ്,ഐശ്വര്യ ലക്ഷ്മി എന്നിവരും ഒപ്പമുണ്ടായിരുന്നു.താരത്തിന്റെ പോസ്റ്റ് ഇതിനോടകം സോഷ്യൽ മീഡിയയിൽ വൈറൽ ആയിരിക്കുകയാണ്.
BADASS MAAA! that’s it. That’s the tweet. #Leo 🔥
— Kalyani Priyadarshan (@kalyanipriyan) October 19, 2023
നിരവധി താരങ്ങളാണ് ലിയോ ആദ്യദിവസം തന്നെ തിയറ്ററിൽ പോയി കണ്ടിരിക്കുന്നത്.ചിത്രത്തിലെ നായിക തൃഷ സിനിമ കാണുന്നതിനായി തിയറ്ററിൽ എത്തിയിരുന്നു.ചെന്നൈയിലെ ഫാൻസ് ഫോർട്ട് രോഹിണി തിയറ്ററിലാണ് തൃഷ സിനിമ കാണുന്നതിനായി എത്തിച്ചേർന്നത്. സുഹൃത്തുക്കളോടൊപ്പം തിയറ്ററിൽ എത്തിയ നടി സിനിമ കണ്ടതിന് ശേഷം ഏറെ നേരം ആരാധകർക്കൊപ്പം ചെലവഴിച്ചാണ് തിരികെ പോയത്.
Leo actress @trishtrashers at the all new #FansFortRohini Main screen to celebrate #Leo with fans.
PC – @jefferyjoshua pic.twitter.com/yAriVKCese
— Rohini SilverScreens (@RohiniSilverScr) October 19, 2023
നീണ്ട പതിനാല് വർഷത്തിന് ശേഷമാണ് വിജയിയും തൃഷയും ഒന്നിച്ച് അഭിനയിക്കുന്നത്.ചിത്രത്തിൽ വിജയ്യുടെ ഭാര്യയായി എത്തുന്ന തൃഷയുടെ അഭിനയത്തിന് മികച്ച പ്രതികരണമാണ് ഇതിനോടകം ലഭിക്കുന്നത്.
ആദ്യ ദിനം തന്നെ മികച്ച പ്രതികരണമാണ് ചിത്രത്തിന് ലഭിക്കുന്നത്.ചിത്രത്തിലെ മാസ്സ് സീനുകൾക്കും ആക്ഷൻ രംഗങ്ങൾക്കും ഡയലോഗുകൾക്കും മികച്ച അഭിപ്രായമാണ് ഇതിനോടകം ലഭിച്ചിരിക്കുന്നത്.ഭൂരിപക്ഷവും വിജയ്യുടെ അഭിനയത്തെ വാനോളം പുകഴ്ത്തുന്ന കാഴ്ചയാണ് തിയറ്ററുകളിൽ.തിയറ്ററിനെ പൂരപ്പറമ്പാക്കിയ ആവേശമാണ് പ്രേക്ഷകർക്കുണ്ടായിരുന്നത്. ഒരേസമയം കുടുംബചിത്രമെന്നും ആക്ഷൻ ചിത്രമെന്നും ലിയോയെ വിശേഷിപ്പിക്കുന്നുണ്ട്.വൻ സസ്പെൻസിലാണ് ചിത്രത്തിൻറെ ആദ്യ പകുതി തുടങ്ങുന്നതെന്നും ഗംഭീര ഷോർട്ടുകളും മികച്ച ദൃശ്യങ്ങളും ചിത്രത്തിന് നൽകുന്നത് വേറെ ലെവൽ ഹൈപ്പാണെന്നുമാണ് ആരാധകർ പറയുന്നത്.
വിവിധ സംസ്ഥാനങ്ങളിൽ പല സമയങ്ങളിലായാണ് ലോകേഷ് കനകരാജ് ചിത്രം ലിയോആദ്യ പ്രദര്ശനങ്ങള് ആരംഭിക്കുന്നത്.ലിയോയുടെ ആദ്യ ഷോ നടന്നത് ഗുജറാത്തിലെ ഗാന്ധിനഗറിലെ സെയ്ന്ലൈറ്റ് സിനിമാസില് അര്ധരാത്രി 12.05 നാണ്.ഇവിടെ ആദ്യ ദിവസത്തെ ടിക്കറ്റുകൾ നിമിഷനേരം കൊണ്ടാണ് വിറ്റ് പോയത്.പന്ത്രണ്ട് മണിക്ക് തുടങ്ങുന്ന ഷോ’ പുലര്ച്ചെ മൂന്ന് മണിയോടെയാണ് കഴിഞ്ഞത്.മാത്രമല്ല ലിയോയുടെ ആദ്യ പ്രതികരണങ്ങൾ വന്നതും ഗുജറാത്തിൽ നിന്ന് തന്നെയാണ്.ആദ്യമായാണ് ഒരു ചിത്രത്തിൻറെ റിലീസ് അർദ്ധരാത്രിക്ക് നടക്കുന്നത്.തുടക്കം മുതൽ ചിത്രത്തിന് ലഭിച്ച സ്വീകാര്യത കൊണ്ടാണ് ആദ്യ ഷോ അർദ്ധരാത്രിയിൽ നടന്നതെന്നാണ് വിവരങ്ങൾ.
തമിഴ്നാട്ടിൽ തിയറ്ററുകളിലെ ആഘോഷങ്ങള്ക്ക് കര്ശന നിയന്ത്രണങ്ങൾ ഉള്ളതുകൊണ്ട് തന്നെ തമിഴ്നാടിനേക്കാള് ലിയോയുടെ റിലീസ്, വിജയ് ആരാധകര് ആഘോഷിച്ചത് കേരളത്തിലാണ്.