അന്തരിച്ച പ്രശസ്ത നടൻ മാമുക്കോയയുടെ അവസാനചിത്രം ‘മുകൾപ്പരപ്പ്’ സെപ്റ്റംബർ 8 ന് പ്രദർശനത്തിനെത്തും. സിബി പടിയറ ആണ് ചിത്രത്തിൻെറ രചനയും സംവിധാനവും നിർവഹിക്കുന്നത്. ഇപ്പോഴിതാ ചിത്രത്തിലെ പുതിയ ലിറിക്കൽ ഗാന൦ പുറത്തിറങ്ങിയിരിക്കുകയാണ്. “സ്നേഹിതേ” എന്ന് തുടങ്ങുന്ന ഗാനമാണ് അണിയറപ്രവർത്തകർ പുറത്തുവിട്ടിരിക്കുന്നത്. മിഥുൻ ജയരാജു൦ ഗായത്രി രാജീവും ചേർന്നാണ് ഗാനം ആലപിച്ചിരിക്കുന്നത്. സിബി പടിയറയുടെ വരികൾക്ക് പ്രമോദ് സാരംഗ് ആണ് സംഗീതം നൽകിയിരിക്കുന്നത്. ഗാനം ഇതിനോടകം പ്രേക്ഷകർ ഏറ്റെടുത്തിരിക്കുകയാണ്. മാമുക്കോയയുടെ മികച്ച കഥാപാത്രം തന്നെയായിരിക്കും ചിത്രത്തിലെ എന്ന് അണിയറപ്രവർത്തകർ അവകാശപ്പെടുന്നു.
മലബാറിലെ തെയ്യം ആസ്പദമാക്കി സംഗീതത്തിനും പ്രണയത്തിനും നർമ്മത്തിനും പ്രാധാന്യം നൽകിയുള്ള ചിത്രം കൂടിയാണ് ‘മുകൾപ്പരപ്പ്.
പാറ ഖനന൦ നടന്നുകൊണ്ടിരിക്കുന്ന ഒരു നാടും, കൂടാതെ തെയ്യം കലാകാരനായ ചാത്തുട്ടിപ്പെരുവണ്ണാന്റെ ജീവിതത്തിൽ നടക്കുന്ന സംഭവവികാസങ്ങളുമാണ് ചിത്രത്തിന്റെ ഇതിവൃത്തം. കണ്ണൂരിന്റെ പശ്ചാത്തലത്തിൽ പാരിസ്ഥിതിക വിഷയങ്ങളും ചർച്ച ചെയ്യുന്നുണ്ട്. സുനിൽ സൂര്യ ആണ് ചിത്രത്തിൽ നായകകഥാപാത്രത്തിലെത്തുന്നത്. അപർണ ജനാർദ്ദനൻ ആണ് ചിത്രത്തിലെ നായിക.
ജയപ്രകാശൻ കെ കെ ആണ് ചിത്രത്തിന്റെ നിർമാണം നിർവഹിച്ചിരിക്കുന്നത്. ജോൺസ്പനയ്ക്കൽ, സിനു സീതത്തോട്, ഷമൽ സ്വാമിദാസ്, ബിജോ മോഡിയിൽ കുമ്പളാംപൊയ്ക, ഹരിദാസ് പാച്ചേനി, മനോജ് സി.പി, ആദിത്യ പി.ഒ, അദ്വൈത് പി.ഒ, ലെജു നായർ നരിയാപുരം എന്നിവരാണ് മുകൾപ്പരപ്പിന്റെ സഹ നിർമ്മാതാക്കൾ. നിരവധി താരങ്ങളാണ് ചിത്രത്തിൽ അണിനിരക്കുന്നത്. മജീദ്,ബിന്ദു കൃഷ്ണ, രജിത മധു , ശിവദാസ് മട്ടന്നൂർ, ഉണ്ണിരാജ് ചെറുവത്തൂർ, ഊർമിള ഉണ്ണി, ചന്ദ്രദാസൻ ലോകധർമ്മി എന്നിവരാണ് താരങ്ങൾ. ഇവരെക്കൂടാതെ നിരവധി പുതുമുഖ താരങ്ങളും തെയ്യം കലാകാരൻമാരും കഥാപാത്രങ്ങളായെത്തുന്നുണ്ട്.
സംഗീതം: പ്രമോദ് സാരംഗ്, ജോജി തോമസ്. ഗാനരചന : ജെ.പി. തവറൂൽ, സിബി പടിയറ. എഡിറ്റർ: ലിൻസൺ റാഫേൽ. പശ്ചാത്തല സംഗീതം: അലൻവർഗീസ്. ചീഫ് അസോസിയററ്റ്: ശ്രീകുമാർ വള്ളംകുളം. ഫിനാൻസ് കൺട്രോളർ: ടി.പി. ഗംഗാധരൻ, പ്രൊജക്റ്റ് മാനേജർ: ബെന്നി നെല്ലുവേലി, പ്രൊഡക്ഷൻ എക്സിക്യൂട്ടിവ്: പ്രവീൺ ശ്രീകണ്ഠപുരം. ഡിടിഎസ് മിക്സിംഗ്: ജുബിൻ രാജ്. സ്റ്റുഡിയോ: മീഡിയ പ്ളസ് കൊച്ചി & വിസ്മയാസ് മാക്സ് തിരുവനന്തപുരം. മാർക്കറ്റിംഗ് : റോജിൻ കെ റോയ്