വിനയ് ഫോര്‍ട്ടിനെ നായകനാക്കി രോഹിത് നാരായണന്‍ സംവിധാനം ചെയ്യുന്ന ‘സോമന്റെ കൃതാവ്’ എന്ന കോമഡി എന്റര്‍ടെയ്‌നര്‍ ചിത്രത്തിന്റെ ട്രെയിലര്‍ പുറത്തിറങ്ങി. വ്യത്യസ്തമായ ഗെറ്റപ്പില്‍ കുട്ടനാട്ടുകാരനായ കൃഷി ഓഫിസറായി വിനയ് ഫോര്‍ട്ട് എത്തുന്നു.
കക്ഷി അമ്മിണിപ്പിള്ള, ഫേസ്, ഡൈവോഴ്‌സ് തുടങ്ങിയ ചിത്രങ്ങളിലൂടെ ശ്രദ്ധേയയായ ഫറാ ഷിബിലയാണ് നായിക. രസകരമായ ട്രെയിലറില്‍ സോമന്‍ എന്ന കഥാപാത്രമായെത്തുന്ന വിനയ്യുടെ പ്രകടനം തന്നെയാണ് പ്രധാന ആകര്‍ഷണ കേന്ദ്രമാകുന്നത്.
”അമ്മേ എനിക്ക് അത്യാവശ്യമായിട്ടൊരു കല്യാണം കഴിക്കണമെന്നുള്ള ഡയലോഗുമായി വിനയ് ഫോര്‍ട്ടിന്റെ എന്‍ട്രി. സീമ ജീ നായരുടെ എന്റെ ദൈവമേ എന്നുള്ള ഡയലോഗും ചിരിയുണര്‍ത്തുന്നതാണ്. എന്നെ അറിയുന്നവരുടെ നാട്ടുകാരുടെ ശ്രദ്ധയ്ക്ക്, കീഴ്ക്കാവ് ഭഗവതി ക്ഷേത്രത്തില്‍ എന്റെ വിവാഹമാണെന്നുള്ള ആള്‍ക്കാരില്‍ ചിരിയുണര്‍ത്തുന്നുണ്ട്.
ഫ്‌ളക്‌സ് ബോര്‍ഡിലാണ് വിവാഹക്ഷണക്കത്ത് അച്ചടിച്ച് നാട്ടുകാരുടെ പ്രദര്‍ശിപ്പിച്ചിരിക്കുന്നുണ്ട് ഈ സീനില്‍. അത് കാണുന്ന നാട്ടുകാര്‍ പറയുന്ന ഡയലോഗും ചിത്രത്തിന്റെ ഡയലോഗ് ഹൈലറ്റുകളില്‍ ഒന്നാണ്. അമ്മയും മോനും തമ്മിലുള്ള സൗഹൃദ സംഭാഷണത്തില്‍ നിന്നെ കെട്ടണമെങ്കില്‍ സ്ത്രീധനം അങ്ങോട്ട് കൊടുക്കണമെന്നാണ് പറയുന്നത്. അതിന് ശേഷം എന്റെ മകളെ കണ്ട വാര്‍ക്കപ്പണിക്കാര്‍ക്ക് കെട്ടിച്ചുകൊടുക്കില്ലെന്ന ഡയലോഗും അമ്മ പറയുന്നുണ്ട്. അങ്ങനെ രസകരമായ ഡയലോഗുകളിലൂടെയാണ്‌ ട്രെയ്‌ലര്‍ പുറത്തിറങ്ങിയിരിക്കുന്നത്”.
ദേവനന്ദയാണ് വിനയ്യുടെ മകളായി എത്തുന്നത്. തിരക്കഥാകൃത്ത് ബിപിന്‍ ചന്ദ്രന്‍, മനു ജോസഫ്, ജയന്‍ ചേര്‍ത്തല, നിയാസ് നര്‍മ്മകല, സീമ ജി. നായര്‍ എന്നിവര്‍ക്കൊപ്പം ചിത്രത്തിലെ നാടന്‍ കഥാപാത്രങ്ങള്‍ക്ക് അനുയോജ്യരായ നാട്ടുകാരെ കണ്ടെത്തി അഭിനയ പരിശീലനത്തില്‍ പങ്കെടുപ്പിച്ചവരില്‍ നിന്നും തിരഞ്ഞെടുത്ത പതിനാറിലധികം പുതുമുഖങ്ങളും ഈ ചിത്രത്തില്‍ അഭിനയിക്കുന്നു.
ഓണ്‍ സ്റ്റേജ് സിനിമാസ് അവതരിപ്പിക്കുന്ന ചിത്രം, മാസ്റ്റര്‍ വര്‍ക്‌സ് സ്റ്റുഡിയോസ് മിഥുന്‍ കുരുവിള, രാഗം മൂവീസ്സ് രാജു മല്ല്യത്ത് എന്നിവര്‍ ചേര്‍ന്ന് നിര്‍മിക്കുന്നു.’ഉണ്ട’, ‘സൂപ്പര്‍ ശരണ്യ’ എന്നീ സൂപ്പര്‍ഹിറ്റ് ചിത്രങ്ങളില്‍ ഛായാഗ്രാഹണം നിര്‍വഹിച്ച സുജിത്ത് പുരുഷന്‍ ആണ് ഛായാഗ്രാഹണം.
രഞ്ജിത്ത് കെ. ഹരിദാസ് കഥയും തിരക്കഥയും സംഭാഷണവും എഴുതുന്നു. സംഗീതം പി.എസ്. ജയഹരി, എഡിറ്റര്‍ ബിജീഷ് ബാലകൃഷ്ണന്‍, പ്രൊഡക്ഷന്‍ കണ്‍ട്രോളര്‍ ഷബീര്‍ മലവെട്ടത്ത്, കല അനീഷ് ഗോപാല്‍, മേക്കപ്പ് ജയന്‍ പൂങ്കുളം, വസ്ത്രാലങ്കാരം അനില്‍ ചെമ്പൂര്‍, സ്റ്റില്‍സ് രാഹുല്‍ എം. സത്യന്‍, ചീഫ് അസോസിയേറ്റ് ഡയറക്ടര്‍ റ്റൈറ്റസ് അലക്‌സാണ്ടര്‍, അസോഷ്യേറ്റ് ഡയറക്ടര്‍ റെനിറ്റ് രാജ്, അസിസ്റ്റന്റ് ഡയറക്ടര്‍ പ്രശോഭ് ബാലന്‍, പ്രദീപ് രാജ്, സുഖില്‍ സാഗ്, അസോസിയേറ്റ് ക്യാമറമാന്‍ ക്ലിന്റോ ആന്റണി, പ്രൊഡക്ഷന്‍ എക്‌സിക്യൂട്ടീവ് അനില്‍ നമ്പ്യാര്‍, ബര്‍ണാഡ് തോമസ്, പിആര്‍ഒ എ.എസ്. ദിനേശ്.