2018 ന് പ്രൊമോഷനില്ലാതെ വിജയിച്ചെന്ന് പറഞ്ഞ് ഇനി വരുന്ന എല്ലാ സിനിമകളും വിജയിക്കണമെന്നില്ല:വേണു കുന്നപ്പിള്ളി

0
225

2018 ന് പ്രൊമോഷനില്ലാതെ വിജയിച്ചെന്ന് പറഞ്ഞ് ഇനി വരുന്ന എല്ലാ സിനിമകളും വിജയിക്കണമെന്നില്ലെന്ന് വേണു കുന്നപ്പിള്ളി. ചാവേര്‍ സിനിമയുടെ പ്രമോഷന്റെ ഭാഗമായി മൂവീ വേള്‍ഡ് മീഡിയയ്ക്ക് നല്‍കിയ അഭിമുഖത്തിലാണ് ഇക്കാര്യങ്ങളെക്കുറിച്ച് തുറന്ന് പറഞ്ഞത്. ഓരോ സിനിമയ്ക്കും അതിന്റേതായ പ്ലാനുകളുണ്ട്. 2018 ന് യാതൊരു പ്രോമോഷനുമില്ലാതെ വിജയിച്ചെന്ന് പറഞ്ഞ് ഇനി വരുന്ന എല്ലാ സിനിമകളും വിജയിക്കണമെന്നില്ല. അതു കൊണ്ട് ചിലപ്പോള്‍ സിനിമ തീയേറ്ററില്‍ ഓടണമെന്നുമില്ല. അതു കൊണ്ട് ആദ്യദിവസം കഴിഞ്ഞ് തീയേറ്ററില്‍ ആള് കയറുന്നതായിരിക്കും. അതു കൊണ്ട് തന്നെ പബ്ലിസിറ്റി കൊടുക്കാമെന്ന് തീരുമാനിച്ചതാണെന്ന് വേണു കുന്നപ്പിള്ളി പറഞ്ഞു.കുഞ്ചാക്കോ ബോബനെ കേന്ദ്ര കഥാപാത്രമാക്കി ടിനു പാപ്പച്ചന്‍ സംവിധാനം ചെയ്യുന്ന ചിത്രമാണ് ‘ചാവേര്‍’. വേണു കുന്നപ്പിള്ളിയും അരുണും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.

വേണു കുന്നപ്പിള്ളിയുടെ വാക്കുകള്‍….
ടിനു പാപ്പച്ചന്റെ രണ്ട് സിനിമകള്‍ ചെറുപ്പക്കാര്‍ ഏറ്റെടുത്ത സിനിമയാണ്. സ്വഭാവികമായും ചെറുപ്പക്കാരാരാണ് ഈ സിനിമയ്ക്ക് വേണ്ടി കാത്തിരിക്കുന്നത്. പക്ഷേ ഈ സിനിമ കുടുംബപ്രക്ഷകര്‍ക്ക് കാണാവുന്ന സിനിമയാണ്.

അതുകൊണ്ടാണ് നമ്മള്‍ പറയുന്നത് പൂര്‍ണമായും ഇതൊരു അടിപടമല്ല. ആക്ഷനും സെന്റിമന്റ്‌സും പാട്ടുമെല്ലാം ചേര്‍ന്ന സിനിമയായതിനാല്‍ അത്യാവശ്യം നല്ല രീതിയില്‍ പ്രമോഷന്‍ നടത്തിയാല്‍ മാത്രമേ ശരിയാകുകയുള്ളൂ.

ഓരോ സിനിമയ്ക്കും അതിന്റേതായ പ്ലാനുകളുണ്ട്. 2018 ന് യാതൊരു പ്രോമോഷനുമില്ലാതെ വിജയിച്ചെന്ന് പറഞ്ഞ് ഇനി വരുന്ന എല്ലാ സിനിമകളും വിജയിക്കണമെന്നില്ല. അതു കൊണ്ട് ചിലപ്പോള്‍ സിനിമ തീയേറ്ററില്‍ ഓടണമെന്നുമില്ല.

അതു കൊണ്ട് ആദ്യദിവസം കഴിഞ്ഞ് തീയേറ്ററില്‍ ആള് കയറുന്നതായിരിക്കും. അതു കൊണ്ട് തന്നെ പബ്ലിസിറ്റി കൊടുക്കാമെന്ന് തീരുമാനിച്ചു.

അതേസമയം, കുഞ്ചാക്കോ ബോബനെ കേന്ദ്ര കഥാപാത്രമാക്കി ടിനു പാപ്പച്ചന്‍ ഒരുക്കുന്ന ചിത്രത്തില്‍ ആന്റണി വര്‍ഗീസ്, അര്‍ജുന്‍ അശോകന്‍ എന്നിവര്‍ പ്രധാന കഥാപാത്രണങ്ങളായി എത്തുന്നുണ്ട്. ചിത്രത്തിന്റെ ദുരൂഹത നിറഞ്ഞ ടൈറ്റില്‍ പോസ്റ്ററും ടീസറും നേരത്തെ തന്നെ ആരാധകര്‍ക്കിടയില്‍ പ്രതീക്ഷ വര്‍ധിപ്പിച്ചിരുന്നു. രഹസ്യ സ്വഭാവം കാത്തുസൂക്ഷിച്ച് കൊണ്ടാണ് അണിയറ പ്രവര്‍ത്തകര്‍ ഓരോ തവണയും ചിത്രത്തെ കുറിച്ചുള്ള അപ്ഡേറ്റുകള്‍ പുറത്ത് വിടാറുള്ളത്. ഇതിനു മുന്‍പ് ചിത്രത്തിന്റെ സെക്കന്റ് ലുക്ക് മോഷന്‍ പോസ്റ്റര്‍ പുറത്ത് വിട്ടിരുന്നു അതും വലിയ രീതിയില്‍ സമൂഹ മാധ്യമങ്ങളുടെ ശ്രദ്ധ പിടിച്ച് പറ്റിയിരുന്നു.

ചിത്രത്തിന്റേതായി ആദ്യം പുറത്ത് വന്ന ലുക്ക് ഔട്ട് നോട്ടീസ് വലിയ രീതിയില്‍ ശ്രദ്ധ നേടിയിരുന്നു. കേരളമൊട്ടാകെ അഞ്ച് ലക്ഷത്തിലധികം പത്രങ്ങളോടൊപ്പം പുറത്തിറങ്ങിയ പരസ്യ നോട്ടീസ് ചാവേര്‍ സിനിമയിലെ ചാക്കോച്ചന്‍ അവതരിപ്പിക്കുന്ന അശോകനെ തേടിക്കൊണ്ടുള്ള അറിയിപ്പ് ആയിരുന്നു എന്ന് പിന്നീടാണ് പ്രേക്ഷകര്‍ക്ക് മനസിലായത്.മുടി പറ്റവെട്ടി, കട്ടത്താടിയില്‍, തീപാറുന്ന നോട്ടവുമായാണ് ചാക്കോച്ചന്‍ ലുക്ക് ഔട്ട് നോടീസില്‍ പ്രത്യക്ഷപ്പെട്ടത്.ചാക്കോച്ചന്റെ പുതിയ ലുക്ക് സാമൂഹ്യ മാധ്യമങ്ങളില്‍ നിമിഷനേരംകൊണ്ടാണ് വൈറല്‍ ആയത്. അന്ന് മുതല്‍ സിനിമാപ്രേമികള്‍ ഒന്നടങ്കം ഏറെ ആകാംക്ഷയോടെയാണ് ചിത്രത്തിന്റെ പോസ്റ്ററുകള്‍ക്കും വിശേഷങ്ങള്‍ക്കുമായി കാത്തിരുന്നത്.

സ്വാതന്ത്ര്യം അര്‍ദ്ധരാത്രിയില്‍’, ‘അജഗജാന്തരം’ എന്നീ സൂപ്പര്‍ ഹിറ്റ് സിനിമകള്‍ക്ക് ശേഷം ടിനു പാപ്പച്ചന്‍ ഒരുക്കുന്ന ചിത്രം ഇതിനോടകം തന്നെ സിനിമാപ്രേമികള്‍ക്കിടയില്‍ ചര്‍ച്ചാവിഷയമാണ്. അജഗജാന്തരം എന്ന മാസ് ആക്ഷന്‍ എന്റര്‍ടെയിന്‍മെന്റ് ചിത്രത്തിലൂടെ സംവിധായകന്‍ ടിനു പാപ്പച്ചന് വന്‍ സ്വീകാര്യതയാണ് ലഭിച്ചത്. അതുകൊണ്ട് തന്നെയാണ് ‘ചാവേര്‍’ സിനിമക്ക് റിലീസിന് മുന്‍പേ തന്നെ പ്രേക്ഷകര്‍ക്കിടയില്‍ നിന്നും ഇത്രയും സ്വീകാര്യത ലഭിക്കുന്നത്. മാത്രമല്ല ആദ്യമായാണ് കുഞ്ചോക്കോ ബോബനും ടിനു പാപ്പച്ചനും ഒരുമിക്കുന്നത് എന്ന പ്രത്യേകതയും ചിത്രത്തിനുണ്ട്.

LEAVE A REPLY

Please enter your comment!
Please enter your name here