മൂന്നു വര്ഷങ്ങള്ക്കു മുന്നേ പ്രഖ്യാപിക്കപ്പെട്ട പല തവണ മാറ്റി വച്ച് നീണ്ടുപോയ ചിത്രമാണ് ഗെയിം ചെയ്ഞ്ചര്‍. 2021 ഫെബ്രുവരിയില്‍ പ്രഖ്യാപിക്കപ്പെട്ട ഈ ചിത്രം ഇത്രത്തോളം വൈകുന്നതിൽ പ്രതിഷേധിച്ചു രാം ചരണ്‍ ആരാധകര്‍ പോലും സോഷ്യല്‍ മീഡിയയില്‍ പലകുറി ക്യാംപെയ്നുകള്‍ നടത്തിയിരുന്നു. ആ സമയത്തു ചിത്രത്തിന്റെ നിര്‍മ്മാതാവ് ദില്‍ രാജ് വിവാദങ്ങൾക്കും വിമർശനങ്ങൾക്കും ഉള്ള മറുപടി കൊടുത്തിരുന്നു . എന്നാലിപ്പോൾ ചിത്രത്തിന്റെ ഷൂട്ടിംഗ് പൂർത്തിയായി എന്നതാണ് ലഭിക്കുന്ന വിവരം .
പ്രശസ്ത സംവിധായകൻ ശങ്കർ സംവിധാനം ചെയ്യുന്ന രാം ചരണ്‍ ചിത്രം ഗെയിം ചെയ്ഞ്ചര്‍ ഷൂട്ടിംഗ് പൂര്‍ത്തിയായതായി നായകന്‍ രാം ചരണ്‍ തന്നെയാണ് സോഷ്യല്‍ മീഡിയ പോസ്റ്റിലൂടെ വ്യക്തമാക്കിയത്. രണ്ട് ചിത്രങ്ങൾ ചേർത്ത് കൊണ്ട് ഒരു കൊളാഷ് ഇൻസ്റ്റഗ്രാമിൽ പങ്കുവെച്ചാണ് താരം പുതിയ അപ്ഡേറ്റ് നല്‍കിയത്. പോസ്റ്റില്‍ രാം ചരൺ ഹെലികോപ്റ്ററിൽ കയറുന്ന രണ്ട് ഫോട്ടോകളാണ് ചേര്‍ത്തിരിക്കുന്നത് “കളി മാറാൻ പോകുന്നു, ഷൂട്ടിംഗ് അവസാനിപ്പിച്ചിരിക്കുന്നു. ഇനി തീയറ്റരില്‍ കാണാം” എന്നാണ് സംവിധായകന്‍ ഷങ്കറിനെയും നിര്‍മ്മാതാക്കളെയും ടാഗ് ചെയ്ത പോസ്റ്റിന്‍റെ ക്യാപ്ഷന്‍.
View this post on Instagram
കിയാര അദ്വാനിയാണ് ഗെയിം ചെയ്ഞ്ചര്‍ സിനിമയില്‍ നായിക. എസ് ഷങ്കർ സംവിധാനം ചെയ്യുന്ന ഗെയിം ചെയ്ഞ്ചര്‍ ഇരുവരുടെയും ഓൺ-സ്‌ക്രീൻ ജോഡികളയുള്ള തിരിച്ചുവരവാണ്. 2019ൽ പുറത്തിറങ്ങിയ വിനയ വിധേയ രാമ എന്ന ചിത്രത്തിലായിരുന്നു ഇരുവരും അവസാനം ഒന്നിച്ചത്. ചിത്രം തീയറ്ററില്‍ വലിയ പരാജയമായിരുന്നു. ഷങ്കര്‍, രാജൗലി, സന്ദീപ് റെഡ്ഡി വാംഗ തുടങ്ങിയ സംവിധായകര്‍ പെര്‍ഫെക്ഷണിസ്റ്റുകള്‍ ആണെന്നും ചിത്രീകരണത്തിന് അവര്‍ക്ക് കൂടുതല്‍ സമയം വേണ്ടിവരുമെന്നും അദ്ദേഹം പറഞ്ഞിരുന്നു. അതേസമയം വൈകിയാലും ഷങ്കര്‍ തങ്ങളെ നിരാശരാക്കില്ലെന്ന പ്രതീക്ഷയിലാണ് രാം ചരണ്‍ ആരാധകര്‍.
