ഇ.ഡിയുടെ ചോദ്യം ചെയ്യലിന് ഹാജരായതിന് പിന്നാലെ ഇന്സ്റ്റഗ്രാം പോസ്റ്റുമായി നടി നവ്യാ നായര്. നൃത്തത്തെ കുറിച്ച് റൂമിയുടെ എഴുത്ത് ഉള്പ്പെടെയുള്ള ഡാന്സ് വിഡിയോ ആണ് നവ്യ പങ്കുവച്ചത്. നിങ്ങളില് പാപം ചെയ്യാത്തവര് കല്ലെറിയട്ടെ എന്ന ഹാഷ്ടാഗോടെയാണ് പോസ്റ്റ്.
‘നിങ്ങള് തകര്ന്നിരിക്കുമ്പോള് വിടര്ന്നു നൃത്തം ചെയ്യൂ. നൃത്തം ചെയ്യൂ, മുറിവുകളിലെ തുന്നിക്കെട്ടുകള് വലിച്ചുകീറുമ്പോള്. പോര്മധ്യത്തിലും നൃത്തം ചെയ്യൂ. നിങ്ങളുടെ രക്തം കൊണ്ട് നൃത്തം ചെയ്യൂ’ എന്ന ജലാലുദ്ദീന് റൂമിയുടെ ഉദ്ധരണിയാണ് വിഡിയോക്ക് ഒപ്പം ചേര്ത്തിട്ടുള്ളത്.
ഇന്ത്യന് റവന്യൂ സര്വീസ് ഉദ്യോഗസ്ഥന് പ്രതിയായ അനധികൃത സ്വത്ത് സമ്പാദന കേസിലാണ് നവ്യ നായരെ എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്തത്. കേസില് അറസ്റ്റിലായ ഐആര്എസ് ഉദ്യോഗസ്ഥന് സച്ചിന് സാവന്തുമായി നവ്യ നായര്ക്ക് അടുത്ത സൗഹൃദമുണ്ടെന്നാണ് ഇ.ഡിയുടെ കണ്ടെത്തിയിരിക്കുന്നത്.
മുംബൈയില് രജിസ്റ്റര് ചെയ്ത കള്ളപ്പണം വെളുപ്പിക്കല് കേസുമായി ബന്ധപ്പെട്ടാണ് ചോദ്യം ചെയ്തത്. മുംബൈ എന്ഫോഴ്സ്മെന്റ് ഡയറക്ടറേറ്റ് നവ്യ നായരെ നോട്ടീസ് നല്കി മുംബൈയിലേക്ക് വിളിച്ചുവരുത്തിയാണ് ചോദ്യം ചെയ്തത്. സച്ചിന് സാവന്ത് നവ്യ നായര്ക്ക് ആഭരണങ്ങള് അടക്കം സമ്മാനിച്ചതായി ഇഡിയുടെ കുറ്റപത്രത്തില് പറയുന്നു.
View this post on Instagram
എട്ട് തവണ സച്ചിന് സാവന്ത് കൊച്ചിയിലെത്തിയിരുന്നു. മലയാള സിനിമാ മേഖലയിലെ പലരുമായി ഇയാള്ക്ക് അടുത്ത ബന്ധമുണ്ട്. സച്ചിന് സാവന്തിനെതിരായ കുറ്റപത്രത്തിലും നവ്യ നായരെ കുറിച്ച് പരാമര്ശിക്കുന്നുണ്ട്.
ഇ.ഡി തന്നെ ചോദ്യം ചെയ്തുവെന്ന വാര്ത്ത നവ്യ നായര് തന്നെ സ്ഥിരീകരിച്ചിട്ടുണ്ട്. സച്ചിന് സാവന്ത് തന്റെ കുടുബസുഹൃത്താണ്. മുംബൈയില് ഒരേ സ്ഥലത്തായിരുന്നു താമസം. ഇതിന്റെ അടിസ്ഥാനത്തിലാണ് ഇ ഡി വിളിപ്പിച്ചതെന്നും നവ്യ പ്രതികരിച്ചു.
അതേസമയം, നവ്യ നായര്ക്ക് സച്ചിന് സാവന്ത് ആഭരണങ്ങളുള്പ്പെടെ സമ്മാനിച്ചതായി തങ്ങള് കണ്ടെത്തിയെന്ന് ഇഡി പറയുന്നുണ്ട്. നടിയുടേയും, സച്ചിന് സാവന്തിന്റെയും ഫോണ് വിവരങ്ങള് അടക്കം ഇഡി ഉദ്യോഗസ്ഥര് പരിശോധിച്ചിട്ടുണ്ട്. എന്നാല് തങ്ങളിരുവരും വെറും സുഹൃത്തുകള് മാത്രമാണെന്നും അതിനപ്പുറമുള്ള മറ്റൊരു അടുപ്പവും ഇല്ലെന്നും നടി വ്യക്തമാക്കി. അനധികൃത സ്വത്തുസമ്പാദന കേസുമായി ബന്ധപ്പെട്ട് കോടതിയില് എന്ഫോഴ്സ്മെന്റ് ഡയക്ടറേറ്റ് സമര്പ്പിച്ച കുറ്റപത്രത്തിലാണ് ഇത് സംബന്ധിച്ച വിവരങ്ങള് ഉള്പ്പെട്ടിട്ടുള്ളത്. കേസില് അന്വേഷണം തുടര്ന്നുകൊണ്ടിരിക്കുകയാണ്.
അനധികൃത സ്വത്ത് സമ്പാദനത്തിന്റെ കേസ് രജിസ്റ്റര് ചെയ്തിരിക്കുന്നത് മുംബൈയിലാണ്. മുംബൈ എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥര് നോട്ടീസ് നല്കി നവ്യ നായരെ മുംബൈയിലേക്ക് വിളിച്ചുവരുത്തിയാണ് ചോദ്യം ചെയ്തത്. സച്ചിന് സാവന്ത് എട്ട് തവണ കൊച്ചിയില് വന്നിരുന്നു. മലയാള സിനിമാ മേഖലയില് പല ആളുകളുമായി സച്ചിന് സാവന്ത് അടുത്ത ബന്ധം പുലര്ത്തുന്നുണ്ട്. കേസില് സച്ചിന് സാവന്തിനെതിരായ കുറ്റപത്രത്തില് നടി നവ്യ നായരെ കുറിച്ച് പരാമര്ശിക്കുന്നുമുണ്ട്.
അതേസമയം, 2002ലെ കള്ളപ്പണം വെളുപ്പിക്കല് നിരോധന നിയമവുമായി ബന്ധപ്പെട്ട കേസിലാണ് സച്ചിന് സാവന്ത് അറസ്റ്റിലാകുന്നത്. കസ്റ്റംസ് അഡീഷണല് കമ്മീഷണറായിരുന്ന സച്ചിന് സാവന്തിനെ ജൂണ് 27ന് ലഖ്നൗവില് വെച്ചാണ് എന്ഫോഴ്സ്മെന്റ് ഡയക്ടറേറ്റ് അറസ്റ്റ് ചെയ്യുന്നത്. ഈ കേസില് പ്രത്യേക പിഎംഎല്എ കോടതിയില് അന്വേഷണ ഏജന്സി സമര്പ്പിച്ച കുറ്റപത്രത്തില് നടി നവ്യ നായരെക്കുറിച്ച് പരാമര്ശമുണ്ട്. കേസിലെ പണത്തിന്റെ വഴി കണ്ടെത്താനും നടിക്ക് നല്കിയ സമ്മാനങ്ങള് കുറ്റകൃത്യത്തിലൂടെ നേടിയ വരുമാനത്തിന്റെ ഭാഗമാണോയെന്ന് കണ്ടെത്താനുമാണ് ഇഡിയുടെ ഇപ്പോഴത്തെ ശ്രമിക്കുന്നത്.