ഹിറ്റ് ചാർട്ടിൽ ഇടം നേടി ധ്യാൻ ശ്രീനിവാസൻ നായകനായെത്തിയ ‘നദികളിൽ സുന്ദരി യമുന’.നാട്ടിൻപുറത്തിന്റെ സൗന്ദര്യവും അവിടെ ഉടലെടുക്കുന്ന രസകരമായ സംഭവങ്ങളും കോർത്തിണക്കി നർമ്മത്തിന് പ്രാധാന്യം കൊടുത്ത ചിത്രത്തിന് പ്രതീക്ഷിച്ചതിലും വലിയ സ്വീകാര്യതയാണ് ലഭിച്ചത്.ഹിറ്റ് ചാർട്ടിൽ ഇടം നേടിയ ചിത്രം രണ്ടാം വാരവും വിജയകരമായി പ്രദർശനം തുടരുകയാണ്.
View this post on Instagram
അജു വർഗീസും ധ്യാനിന്റെ കൂടെ ചിത്രത്തിൽ പ്രധാന വേഷത്തിൽ എത്തുന്നുണ്ട്.പ്രഖ്യാ നഗ്ര ആണ് ചിത്രത്തിലെ നായിക.ഉത്തര മലബാറിന്റെ പശ്ചാത്തലത്തിൽ വൈവാഹിക മോഹവുമായി നടക്കുന്ന കെട്ടു പ്രായം കഴിഞ്ഞ കണ്ണൻ, വിദ്യാധരൻ എന്നീ രണ്ട് യുവാക്കളുടെ കഥയാണ് ചിത്രത്തിലൂടെ പറയുന്നത്.അജു വർഗീസിന്റെയും ധ്യാൻ ശ്രീനിവാസന്റെയും അഭിനയത്തിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.
View this post on Instagram
പോസ്റ്ററുകളും ട്രെയ്ലറും ഇറങ്ങിയപ്പോഴെല്ലാം ആരാണ് ആ സുന്ദരിയെന്ന ചോദ്യം ഉയർന്നിരുന്നു. ചിത്രത്തിന്റെ പോസ്റ്ററുകൾ പുറത്തു വിടുമ്പോഴല്ലാം തന്നെ നടി പുറംതിരിഞ്ഞു നിൽക്കുന്ന ചിത്രമാണ് പോസ്റ്ററിൽ കാണിച്ചിരുന്നത്. ഇത് ആരാധകർക്കിടയിൽ വൻ ചർച്ചയായിരുന്നു. അതുകൊണ്ടുതന്നെ ചിത്രത്തിന്റെ ടീസറും ട്രെയിലറും ഇറങ്ങിയപ്പോൾ നടിയാരെന്നു വെളിപ്പെടുത്തുമെന്ന പ്രതീക്ഷയിലായിരുന്നു ആരാധകർ. എന്നാൽ സിനിമ തീയേറ്ററിലെത്തിയപ്പോഴാണ് പ്രേക്ഷകർ നടിയെ തിരിച്ചറിഞ്ഞത്.സിനിമാറ്റിക്ക ഫിലിംസ് എൽ എൽ പിയുടെ ബാനറിൽ വിലാസ് കുമാറും, സിമി മുരളി കുന്നുംപുറത്തും ഒത്തുചേർന്നാണ് ചിത്രം നിർമ്മിക്കുന്നത്. സുധീഷ്, നിർമ്മൽ പാലാഴി, കലാഭവൻ ഷാജോൺ, നവാസ് വള്ളിക്കുന്ന്, അനീഷ്, പാർവ്വണ, ആമി, ഉണ്ണിരാജ, ഭാനു പയ്യന്നൂർ, ദേവരാജ് കോഴിക്കോട്, രാജേഷ് അഴിക്കോടൻ, ശരത് ലാൽ, വിസ്മയ ശശികുമാർ എന്നിവരും കൂടാതെ നിരവധി പുതുമുഖങ്ങളും ഈ ചിത്രത്തിൽ വേഷമിടുന്നുണ്ട്. മനു മഞ്ജിത്തിന്റെയും ഹരിനാരായണന്റെയും വരികൾക്ക് അരുൺ മുരളീധരന്നാണ് ഈണം പകരുന്നത്.