‘പ്രേക്ഷകര്‍ക്ക് നന്ദി’:നദികളില്‍ സുന്ദരി യമുന ടീം

0
366

നദികളില്‍ സുന്ദരി യമുനയെ വിജയിപ്പിച്ചതിന് പ്രേക്ഷകര്‍ക്ക് നന്ദിയുമായി തിരക്കഥാകൃത്തുക്കളായ വിജേഷ് പനത്തൂരും ഉണ്ണി വെല്ലോറയും. പ്രേക്ഷകരൊടൊപ്പം തീയേറ്ററില്‍ സിനിമ കാണാനെത്തിയപ്പോഴാണ് മാധ്യമപ്രവര്‍ത്തകരോട് സിനിമയുടെ വിജയത്തിന് പ്രേക്ഷകര്‍ക്ക് നന്ദി പറഞ്ഞത്. അതിനോടൊപ്പം കേക്ക് മുറിച്ചാഘോഷിക്കുകയും ചെയ്തു.

വിജേഷ് പനത്തൂരിന്റെയും ഉണ്ണി വെല്ലോറയുടെയും വാക്കുകള്‍.

‘ഇത്രയും പിന്തുണച്ചതിന് പ്രേക്ഷകര്‍ക്ക് നന്ദി. പ്രത്യേകിച്ച് വീരവാദങ്ങളും അവകാശവാദങ്ങളുമില്ലാത്ത കൊച്ചു സിനിമ. ഇത്രയും പ്രേക്ഷകരോടാണ് ആദ്യം നന്ദി പറയുന്നത്. ഞങ്ങള്‍ക്ക് പേടിയുണ്ടായിരുന്നു. കണ്ണൂര്‍ ഭാഗത്ത് നടക്കുന്ന കഥയായതിനാല്‍ ആ ഭാഷയുമായിരുന്നു. ആലപ്പുഴയില്‍ എത്തിയപ്പോള്‍ അവര്‍ക്കും അത് ഇഷ്ടമാകുന്നുണ്ട്. മനസിലാകുന്നുണ്ടെന്ന് മനസിലായപ്പോള്‍ സന്തോഷം തോന്നുന്നുണ്ട്.

നമ്മള്‍ തീയേറ്ററില്‍ കയറിയിരുന്നു, ആളുകളില്‍ നിന്നുള്ള പ്രതികരണങ്ങള്‍ അറിയാന്‍ വേണ്ടി. അപ്പോള്‍ മനസിലായി ആളുകള്‍ ചിരിക്കുന്നുണ്ട്, സന്തോഷിക്കുന്നുണ്ട്, കൈയ്യടിക്കുന്നുണ്ട്. ഞങ്ങള്‍ ചെയ്ത് വെച്ച സിനിമയ്ക്ക് നല്ല പ്രതികരണമാണ് കിട്ടുന്നത്. പേടിയുണ്ടായിരുന്നു. ഇപ്പോള്‍ ഇറങ്ങിയ കുറച്ച് സിനിമകള്‍ക്ക് ഭാഷാ പ്രശ്‌നം കൊണ്ട് മനസിലാകുന്നില്ലെന്ന് ഒരു പ്രശ്‌നമുണ്ടായിരുന്നു. അതു കൊണ്ട് ഞങ്ങള്‍ക്ക് പേടിയുണ്ടായിരുന്നു. അതൊന്നും ഒരു പ്രശ്‌നമല്ലെന്ന് ഞങ്ങള്‍ ആലപ്പുഴയില്‍ വന്നപ്പോള്‍ കണ്ടു. അവര്‍ നന്നായി ആസ്വദിക്കുന്നുണ്ട്.

സിനിമ കാണാന്‍ വരുന്നവരെല്ലാവരും കുടുംബപ്രേക്ഷകര്‍ തന്നെയാണ്. നിരവധി കുടുംബങ്ങളും പറയുന്നുണ്ട്, തീയേറ്റരില്‍ സിനിമ കാണാന്‍ പോയിട്ട് കുറച്ച് നാളുകളായി അതൊക്കെ കേള്‍ക്കുമ്പോള്‍ സന്തോഷമുണ്ട്. മനസറിഞ്ഞ് ചിരിക്കാന്‍ സാധിക്കുന്നുണ്ട്. ഗ്രാമീണ പശ്ചാത്തലത്തിലുള്ള സിനിമയാണെന്ന പ്രേക്ഷകര്‍ പറയുന്നുണ്ട്. എല്ലാവരും സിനിമയെ വിജയിപ്പിക്കണം.നന്ദി’

അതേസമയം, ധ്യാന്‍ ശ്രീനിവാസന്‍, അജു വര്‍ഗ്ഗീസ് എന്നിവരെ പ്രധാന കഥാപാത്രങ്ങളാക്കി നവാഗതരായ വിജേഷ് പനത്തൂര്‍, ഉണ്ണി വെല്ലോറ എന്നിവര്‍ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘നദികളില്‍ സുന്ദരി യമുന’. ചിത്രം സെപ്റ്റംബര്‍ പതിനഞ്ചിനാണ് തിയേറ്ററുകളിലെത്തുന്നത്. സിനിമാറ്റിക് ഫിലിംസ് എല്‍ എല്‍ പിയുടെ ബാനറില്‍ വിലാസ് കുമാര്‍, സിമി മുരളി കുന്നുംപുറത്ത് എന്നിവര്‍ ചേര്‍ന്നാണ് സിനിമ നിര്‍മ്മിക്കുന്നത്. ഈ സിനിമയില്‍ സുധീഷ്, കലാഭവന്‍ ഷാജോണ്‍, നിര്‍മ്മല്‍ പാലാഴി, നവാസ് വള്ളിക്കുന്ന്, സോഹന്‍ സിനുലാല്‍, രാജേഷ് അഴിക്കോടന്‍, കിരണ്‍ രമേശ്, ഭാനു പയ്യന്നൂര്‍, ശരത് ലാല്‍, ദേവരാജ് കോഴിക്കോട്, അനീഷ്, ആതിര,ആമി, പാര്‍വ്വണ, ഉണ്ണിരാജ, വിസ്മയ ശശികുമാര്‍ തുടങ്ങിയ താരങ്ങള്‍ അണിനിരക്കുന്നുണ്ട്.

ഫൈസല്‍ അലിയാണ് സിനിമയുടെ ഛായാഗ്രഹണം നിര്‍വഹിക്കുന്നുത്. മനു മഞ്ജിത്ത്,ബി കെ ഹരിനാരായണന്‍ എന്നിവരുടെ വരികള്‍ക്ക് അരുണ്‍ മുരളീധരന്‍ ആണ് സംഗീതം നല്‍കിയത്. എഡിറ്റര്‍-ഷമീര്‍ രാധാകൃഷ്ണന്‍, പ്രൊഡക്ഷന്‍ കണ്‍ട്രോളര്‍ സജീവ് ചന്തിരൂര്‍,കല-അജയന്‍ മങ്ങാട്, മേക്കപ്പ് ജയന്‍ പൂങ്കുളം, കോസ്റ്റ്യും ഡിസൈന്‍ സുജിത് മട്ടന്നൂര്‍, ചീഫ് അസോസിയേറ്റ് ഡയറക്ടര്‍ പ്രിജിന്‍ ജെസി, പ്രോജക്ട് ഡിസൈന്‍ അനിമാഷ്, വിജേഷ് വിശ്വം, ഫിനാന്‍സ് കണ്‍ട്രോളര്‍ അഞ്ജലി നമ്പ്യാര്‍, പ്രൊഡക്ഷന്‍ മാനേജര്‍ മെഹമൂദ്, പ്രൊഡക്ഷന്‍ എക്സിക്യൂട്ടീവ്സ് പ്രസാദ് നമ്പ്യാങ്കാവ്, അനീഷ് നന്ദിപുലം, സ്റ്റില്‍സ്-സന്തോഷ് പട്ടാമ്പി,പരസ്യക്കല- യെല്ലോടൂത്ത് എന്നിവരാണ് ചിത്രത്തിന്റെ മറ്റു അണിയറ പ്രവര്‍ത്തകര്‍.


ചിരിയുടെ ഉത്സവം തീര്‍ക്കാനാണ് നദികളില്‍ സുന്ദരി യമുന എത്തുന്നത്. വെള്ളം സിനിമയിലെ യഥാര്‍ത്ഥ കഥാപാത്രമായ വാട്ടര്‍മാന്‍ മുരളി അവതരിപ്പിക്കുന്ന ചിത്രമാണ് ഇത്. സിനിമയുടെ മോഷന്‍ പോസ്റ്റര്‍ വളരെ ചുരുങ്ങിയ സമയത്തിനുള്ളില്‍ സോഷ്യല്‍ മീഡിയയില്‍ വൈറലായിരുന്നു. കണ്ണൂരിലെ നാട്ടിന്‍പുറങ്ങളുടെ പശ്ചാത്തലത്തിലാണ് ചിത്രം ഒരുങ്ങുന്നത്. കണ്ണൂരിലെ നാട്ടിന്‍പുറത്തെ സാധാരണക്കാരായ മനുഷ്യരുടെയും അവര്‍ക്കിടയിലെ കണ്ണന്‍, വിദ്യാധരന്‍, എന്നീ രണ്ട് യുവാക്കളുടെയും കഥയാണ് നദികളില്‍ സുന്ദരി യമുന പറയുന്നത്. കണ്ണനായി ധ്യാന്‍ ശ്രീനിവാസനും, വിദ്യാധരനായി അജു വര്‍ഗീസും എത്തുന്നു.

LEAVE A REPLY

Please enter your comment!
Please enter your name here