ചാവേറിലെ ഏവരുടെയും ഉള്ളുലയ്ക്കുന്ന ‘പൂമാലേ…’ ഗാനം പുറത്തിറങ്ങി

0
186

ടിനു പാപ്പച്ചനും കുഞ്ചാക്കോ ബോബനും ആദ്യമായി ഒന്നിച്ച ‘ചാവേര്‍’ എന്ന ചിത്രത്തിലെ അടുത്ത ഗാനം റിലീസ് ചെയ്തു. പൂമാലേ പൊതിയമ്മേ… എന്ന ഗാനമാണ് ഇന്ന് റിലീസ് ചെയ്തത്.’പൂമാലെ’ എന്നു തുടങ്ങുന്ന ഗാനത്തിന് ഹരീഷ് മോഹനന്‍ ആണ് വരികള്‍ കുറിച്ചത്. ജസ്റ്റിന്‍ വര്‍ഗീസ് ഈണമൊരുക്കിയ ഗാനം പ്രണവ് സി.പി, നിരഞ്ജന എന്നിവര്‍ ചേര്‍ന്നാലപിച്ചു.ആന്റണിപെപ്പെയുടെ മൃതദേഹം വീട്ടിലേക്ക് കൊണ്ടുവരുന്ന ഗാനമാണ് പൂമാലേ. ഏവരുടെയും മനസിനെ നൊമ്പരപ്പെടുത്തുന്ന ഗാനമാണിത്.

അതേസമയം, ‘കാവല്‍ നോക്കണ കാവിലെ ഭീകര ഭൂതമതേ…’ എന്ന് തുടങ്ങുന്ന ഗാനം പ്രേക്ഷകരുടെ ഉള്ളം കവര്‍ന്നിരിക്കുകയാണ്. സ്വജീവന്‍ പണയം വെച്ച് എന്തും ചെയ്യാനിറങ്ങുന്നവരുടെ ജീവിതം പറയുന്ന രക്തരൂക്ഷിതമായ കഥയുമായെത്തുന്ന ‘ചാവേറി’ലെ ചടുലമായ ദൃശ്യങ്ങളുമായാണ് ഗാനം ഇറങ്ങിയത്.ഹരീഷ് മോഹനന്‍ എഴുതിയിരിക്കുന്ന വരികള്‍ക്ക് ജസ്റ്റിന്‍ വര്‍ഗ്ഗീസാണ് ത്രസിപ്പിക്കുന്ന സംഗീതം നല്‍കിയിരിക്കുന്നത്. ഗോവിന്ദ് വസന്ത, ബേബി ജീന്‍, സന്തോഷ് വര്‍മ്മ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്.


അതേസമയം,’ചാവേര്‍’ എന്ന ചിത്രത്തിലെ പുതിയഗാനം പ്രേക്ഷകര്‍ക്കരികില്‍. ‘ചെന്താമര പൂവിന്‍’ എന്നു തുടങ്ങുന്ന ഗാനത്തിന് ഹരീഷ് മോഹനന്‍ ആണ് വരികള്‍ കുറിച്ചത്. ജസ്റ്റിന്‍ വര്‍ഗീസ് ഈണമൊരുക്കിയ ഗാനം പ്രണവ് സി.പി, സന്തോഷ് വര്‍മ എന്നിവര്‍ ചേര്‍ന്നാലപിച്ചു. ‘ചെന്താമര പൂവിന്‍’ ഇതിനകം ശ്രദ്ധേയമായിക്കഴിഞ്ഞു.

അതേസമയം,.രണ്ടാം വാരവും തിയറ്ററുകളില്‍ മികച്ച വിജയത്തോടെ പ്രദര്‍ശനം തുടര്‍ന്ന് ടിനു പാപ്പച്ചന്‍ ചിത്രം ചാവേര്‍.സിനിമ റിലീസായത്തിന് പിന്നാലെ ആക്ഷന്‍ ത്രില്ലര്‍ ചിത്രം ചാവേറിനെതിരെ വ്യപകമായ രീതിയില്‍ നെഗറ്റീവ് പ്രചാരണം ശക്തമായിരുന്നു .ടിനു പാപ്പച്ചന്‍ എന്ന സംവിധായകന്റെ മറ്റ് സിനിമകളുമായി താരതമ്യം ചെയ്താണ് ഭൂരിഭാഗവും സിനിമയെ വിലയിരുത്തിയത്.

പാര്‍ട്ടിയുടെ പേരില്‍ കൊല്ലാനും ചാവാനും ഒരുങ്ങി നടക്കുന്ന ഒരുകൂട്ടം ചാവേറുകളുടെ രക്തരൂക്ഷിതമായ കഥയാണ് ചാവേര്‍. കുഞ്ചാക്കോ ബോബന്‍, അര്‍ജുന്‍ അശോകന്‍,ആന്റണി വര്‍ഗീസ് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.കണ്ണൂര്‍ പശ്ചാത്തലമാക്കി ഒരുക്കിയിരിക്കുന്ന ചാവേര്‍ ഒരു സര്‍വൈവല്‍ ട്രാവല്‍ മൂവിയായാണ് പ്രേക്ഷകര്‍ക്ക് മുന്നിലെത്തുന്നത്. ഒരു രാഷ്ട്രീയ കൊലപാതകത്തിലൂടെ തുടങ്ങുന്ന ചിത്രം കൊലപാതകികളുടെ കാഴ്ചപ്പാടിലൂടെയാണ് പുരോഗമിക്കുന്നത്.കൊലപാതകത്തിന് പിന്നാലെ അരങ്ങേറുന്ന സംഭവവികാസങ്ങളിലൂടെ ചിത്രം സഞ്ചരിക്കുന്തോറും പ്രേക്ഷകന്റെയുള്ളില്‍ ആകാംക്ഷയും ഭയവും നിറയ്ക്കാന്‍ സംവിധായകനാകുന്നു.

 

ക്രിമിനലുകള്‍ക്കിടയില്‍ അറിയാതെ അകപ്പെട്ടുപോകുന്ന ചില ജീവിതങ്ങളും ചിത്രത്തിന്റെ ഭാഗമാണ്. അവരുടെയും പോരാട്ടം കൂടിയാണ് ചിത്രം.കുഞ്ചാക്കോ ബോബനെ കേന്ദ്ര കഥാപാത്രമാക്കി ടിനു പാപ്പച്ചന്‍ ഒരുക്കുന്ന ചിത്രത്തില്‍ ആന്റണി വര്‍ഗീസ്, അര്‍ജുന്‍ അശോകന്‍ എന്നിവര്‍ പ്രധാന കഥാപാത്രങ്ങളായി എത്തുന്നുണ്ട്. ചിത്രത്തിന്റെ ദുരൂഹത നിറഞ്ഞ ടൈറ്റില്‍ പോസ്റ്ററും ടീസറും നേരത്തെ തന്നെ ആരാധകര്‍ക്കിടയില്‍ പ്രതീക്ഷ വര്‍ധിപ്പിച്ചിരുന്നു.രഹസ്യ സ്വഭാവം കാത്തുസൂക്ഷിച്ച് കൊണ്ടാണ് അണിയറ പ്രവര്‍ത്തകര്‍ ഓരോ തവണയും ചിത്രത്തെ കുറിച്ചുള്ള അപ്‌ഡേറ്റുകള്‍ പുറത്ത് വിടാറുള്ളത്.

ഇതിനു മുന്‍പ് ചിത്രത്തിന്റെ സെക്കന്റ് ലുക്ക് മോഷന്‍ പോസ്റ്റര്‍ പുറത്ത് വിട്ടിരുന്നു അതും വലിയ രീതിയില്‍ സമൂഹ മാധ്യമങ്ങളുടെ ശ്രദ്ധ പിടിച്ച് പറ്റിയിരുന്നു.ചിത്രത്തിന്റേതായി ആദ്യം പുറത്ത് വന്ന ലുക്ക് ഔട്ട് നോട്ടീസ് വലിയ രീതിയില്‍ ശ്രദ്ധ നേടിയിരുന്നു.കേരളമൊട്ടാകെ അഞ്ച് ലക്ഷത്തിലധികം പത്രങ്ങളോടൊപ്പം പുറത്തിറങ്ങിയ പരസ്യ നോട്ടീസ് ചാവേര്‍ സിനിമയിലെ ചാക്കോച്ചന്‍ അവതരിപ്പിക്കുന്ന അശോകനെ തേടിക്കൊണ്ടുള്ള അറിയിപ്പ് ആയിരുന്നു എന്ന് പിന്നീടാണ് പ്രേക്ഷകര്‍ക്ക് മനസിലായത്.മുടി പറ്റവെട്ടി, കട്ടത്താടിയില്‍, തീപാറുന്ന നോട്ടവുമായാണ് ചാക്കോച്ചന്‍ ലുക്ക് ഔട്ട് നോടീസില്‍ പ്രത്യക്ഷപ്പെട്ടത്.

LEAVE A REPLY

Please enter your comment!
Please enter your name here