ഞാന് ഒഴിവാക്കിയ സിനിമകള് പൊട്ടിപ്പോയിട്ടുണ്ടെന്ന് നിര്മാതാവ് വേണു കുന്നപ്പിള്ളി. ചാവേര് സിനിമയുടെ പ്രമോഷന്റെ ഭാഗമായി മൂവീ വേള്ഡ് മീഡിയയ്ക്ക് നല്കിയ അഭിമുഖത്തിലാണ് ഒഴിവാക്കിയ സിനിമകളെക്കുറിച്ച് പറഞ്ഞത്.
കുഞ്ചാക്കോ ബോബനെ കേന്ദ്ര കഥാപാത്രമാക്കി ടിനു പാപ്പച്ചൻ സംവിധാനം ചെയ്യുന്ന ചിത്രമാണ് ‘ചാവേർ’. വേണു കുന്നപ്പിള്ളിയും അരുണും ചേർന്നാണ് ചിത്രം നിർമ്മിച്ചിരിക്കുന്നത്.
വേണു കുന്നപ്പിള്ളിയുടെ വാക്കുകള്….
കായംകുളം കൊച്ചുണ്ണിയുടെ കഥ റോഷന് ആന്ഡ്രൂസ് എന്റെയടുത്ത് കഥ പറഞ്ഞിരുന്നു. അത് ഞാന് ചെയ്യാമെന്ന് പറഞ്ഞിരുന്നു. പക്ഷേ അതിന് ശേഷം വേറെ പ്രൊഡക്ഷന് കമ്പനി വന്നു. അതിനുശേഷം അത്യാവശ്യം മികച്ച കളക്ഷന് ലഭിച്ചിരുന്നു. പക്ഷേ സിനിമയില് കുറെ മാറ്റങ്ങള് വരുത്തിയിട്ടുണ്ട്. എന്റെയടുത്ത് വേറെ സിനിമകള് വന്നിട്ടില്ല. പക്ഷേ ഞാന് ഒഴിവാക്കി കഴിഞ്ഞിട്ട് വേറെ ആള്ക്കാര് എടുത്തിട്ട് സിനിമ ഫ്ളോപ്പായ ചരിത്രമുണ്ട്.
അത് അവര് എന്നോട് പറഞ്ഞപ്പോള് ഞാന് പറഞ്ഞതാണ് എനിക്കൊരു ആത്മവിശ്വാസമില്ല. കഥ മോശമല്ലെന്നല്ല ഞാന് പറയുന്നത് ഇത് ചിലപ്പോള് നിങ്ങള്ക്ക് നല്ലതായിരിക്കും. പക്ഷേ എനിക്ക് എന്റേതായ രീതിയനുസരിച്ച് എനിക്കൊരു ആത്മവിശ്വാസമില്ല. ഒരു സാധനം മോശമല്ലെന്നല്ല പറയുന്നത്. അങ്ങനെ ചെയ്ത് മോശമായിട്ട് ലഭിച്ചവര് ഒത്തിരിപേരുണ്ട്.
അതേസമയം, കുഞ്ചാക്കോ ബോബനെ കേന്ദ്ര കഥാപാത്രമാക്കി ടിനു പാപ്പച്ചന് ഒരുക്കുന്ന ചിത്രത്തില് ആന്റണി വര്ഗീസ്, അര്ജുന് അശോകന് എന്നിവര് പ്രധാന കഥാപാത്രണങ്ങളായി എത്തുന്നുണ്ട്. ചിത്രത്തിന്റെ ദുരൂഹത നിറഞ്ഞ ടൈറ്റില് പോസ്റ്ററും ടീസറും നേരത്തെ തന്നെ ആരാധകര്ക്കിടയില് പ്രതീക്ഷ വര്ധിപ്പിച്ചിരുന്നു. രഹസ്യ സ്വഭാവം കാത്തുസൂക്ഷിച്ച് കൊണ്ടാണ് അണിയറ പ്രവര്ത്തകര് ഓരോ തവണയും ചിത്രത്തെ കുറിച്ചുള്ള അപ്ഡേറ്റുകള് പുറത്ത് വിടാറുള്ളത്. ഇതിനു മുന്പ് ചിത്രത്തിന്റെ സെക്കന്റ് ലുക്ക് മോഷന് പോസ്റ്റര് പുറത്ത് വിട്ടിരുന്നു അതും വലിയ രീതിയില് സമൂഹ മാധ്യമങ്ങളുടെ ശ്രദ്ധ പിടിച്ച് പറ്റിയിരുന്നു.
ചിത്രത്തിന്റേതായി ആദ്യം പുറത്ത് വന്ന ലുക്ക് ഔട്ട് നോട്ടീസ് വലിയ രീതിയില് ശ്രദ്ധ നേടിയിരുന്നു.കേരളമൊട്ടാകെ അഞ്ച് ലക്ഷത്തിലധികം പത്രങ്ങളോടൊപ്പം പുറത്തിറങ്ങിയ പരസ്യ നോട്ടീസ് ചാവേര് സിനിമയിലെ ചാക്കോച്ചന് അവതരിപ്പിക്കുന്ന അശോകനെ തേടിക്കൊണ്ടുള്ള അറിയിപ്പ് ആയിരുന്നു എന്ന് പിന്നീടാണ് പ്രേക്ഷകര്ക്ക് മനസിലായത്.മുടി പറ്റവെട്ടി, കട്ടത്താടിയില്, തീപാറുന്ന നോട്ടവുമായാണ് ചാക്കോച്ചന് ലുക്ക് ഔട്ട് നോടീസില് പ്രത്യക്ഷപ്പെട്ടത്.ചാക്കോച്ചന്റെ പുതിയ ലുക്ക് സാമൂഹ്യ മാധ്യമങ്ങളില് നിമിഷനേരംകൊണ്ടാണ് വൈറല് ആയത്. അന്ന് മുതല് സിനിമാപ്രേമികള് ഒന്നടങ്കം ഏറെ ആകാംക്ഷയോടെയാണ് ചിത്രത്തിന്റെ പോസ്റ്ററുകള്ക്കും വിശേഷങ്ങള്ക്കുമായി കാത്തിരുന്നത്.
സ്വാതന്ത്ര്യം അര്ദ്ധരാത്രിയില്’, ‘അജഗജാന്തരം’ എന്നീ സൂപ്പര് ഹിറ്റ് സിനിമകള്ക്ക് ശേഷം ടിനു പാപ്പച്ചന് ഒരുക്കുന്ന ചിത്രം ഇതിനോടകം തന്നെ സിനിമാപ്രേമികള്ക്കിടയില് ചര്ച്ചാവിഷയമാണ്. അജഗജാന്തരം എന്ന മാസ് ആക്ഷന് എന്റര്ടെയിന്മെന്റ് ചിത്രത്തിലൂടെ സംവിധായകന് ടിനു പാപ്പച്ചന് വന് സ്വീകാര്യതയാണ് ലഭിച്ചത്.അതുകൊണ്ട് തന്നെയാണ് ‘ചാവേര്’ സിനിമക്ക് റിലീസിന് മുന്പേ തന്നെ പ്രേക്ഷകര്ക്കിടയില് നിന്നും ഇത്രയും സ്വീകാര്യത ലഭിക്കുന്നത്. മാത്രമല്ല ആദ്യമായാണ് കുഞ്ചോക്കോ ബോബനും ടിനു പാപ്പച്ചനും ഒരുമിക്കുന്നത് എന്ന പ്രത്യേകതയും ചിത്രത്തിനുണ്ട്