മോഹൻലാലിൻറെ പാൻ ഇന്ത്യൻ ചിത്രം ഒരുങ്ങുന്നു; വൃഷഭ രണ്ടാം ഷെഡ്യുളിന് തുടക്കം

0
177

ലയാളത്തിന്റെ മഹാ നടൻ മോഹൻലാൽ,തെലുങ്കു നടൻ റോഷൻ മേക്ക എന്നിവർ പ്രധാന വേഷങ്ങളിലെത്തുന്ന സഹ്‌റ എസ് ഖാൻ , ഷാനയ കപൂർ എന്നിവർ പാൻ-ഇന്ത്യ ലെവലിൽ അരങ്ങേറ്റത്തിനൊരുങ്ങുന്ന വൃഷഭ സിനിമയുടെ രണ്ടാം ഷെഡ്യുൾ ആരംഭിച്ചു. മുംബൈയിലാണ് സിനിമയുടെ രണ്ടാം ഷെഡ്യുളിനു തുടക്കം കുറിച്ചിരിക്കുന്നത്. ഒക്ടോബർ – നവംബർ മാസങ്ങളിലായി രണ്ടാം ഷെഡ്യുൾ പൂർത്തിയാക്കും. ദസറ നാളിൽ ചിത്രത്തിന്റെ റിലീസ് തീയതി അണിയറപ്രവർത്തകർ പുറത്തുവിടും.

ചിത്രത്തിന്റെ ആദ്യ ഷെഡ്യുൾ പൂർത്തിയാക്കിയത് മൈസൂരിൽ ആയിരുന്നു. 2023 ജൂലൈ 22ന് ആരംഭിച്ച ചിത്രത്തിന്റെ ആദ്യ ഷെഡ്യുളിൽ മോഹൻലാൽ, റോഷൻ മേക്ക, സഹ്‌റ എസ് ഖാൻ, ഷാനയ കപൂർ എന്നിവരുടെ രംഗങ്ങൾ ആയിരുന്നു ചിത്രീകരിച്ചത്. മികച്ചൊരു ചിത്രത്തിനായുള്ള കഠിന പ്രയത്നത്തിലാണ് സിനിമയുടെ പിന്നണി പ്രവർത്തകർ..

ചിത്രത്തിൽ എക്സിക്യൂട്ടീവ് പ്രൊഡ്യുസറായി നിക്ക് തുർലോ എത്തിയതിന് ശേഷം വലിയ സ്കെയിലിലേക്കു നീങ്ങിയ ചിത്രത്തിന്റെ ആക്ഷൻ സംവിധായകനായി പീറ്റർ ഹെയ്ൻ കൂടി എത്തുന്നുണ്ട്. ബാഹുബലി, പുലിമുരുഗൻ, ശിവാജി, ഗജിനി, എന്തിരൻ, പുഷ്‌പ തുടങ്ങിയ ബ്രഹ്മാണ്ഡ ചിത്രങ്ങളിലെല്ലാം പീറ്റർ ഹെന്റെ സാന്നിധ്യം പ്രകടമായിരുന്നു.

ചിത്രത്തിന്റെ സംവിധായകൻ നന്ദ കിഷോർ ചിത്രത്തിന്റെ പുരോഗതിയെ കുറിച്ച് ഏറെ പ്രതീക്ഷയോടെയാണ് പ്രതികരിച്ചത്. അദ്ദേഹത്തിന്റെ വാക്കുകൾ

“മൈസൂരിൽ വെച്ച് ചെയ്ത ചിത്രത്ത്തിന്റെ ആദ്യ ഷെഡ്യൂളിൽ നമ്മൾ ഉദ്ദ്ദേശിച്ചതിലും ഭംഗിയായി പൂർത്തീകരിക്കാൻ സാധിച്ചതിൽ അതിയായ സന്തോഷമുണ്ട്. വളരെ തിരക്ക് പിടിച്ച ഒരു ടൈറ്റ് ഷെഡ്യൂളായിരുന്നു നമ്മുടേത് അത് സമയബന്ധിതമായി പൂർത്തീകരിക്കാൻ കൈ മെയ് മറന്നു രാപ്പകൽ കഠിനാധ്വാനം ചെയ്ത മുഴുവൻ പ്രൊഡക്ഷൻ ടീമിനും ഞാൻ നന്ദി പറയുന്നു. പ്രധാന അഭിനേതാക്കളായ മോഹൻലാൽ സാർ, റോഷൻ, ഷാനയ, ശ്രീകാന്ത്, രാഗിണി എന്നിവരും സമയ ബന്ധിതമായി ഷെഡ്യൂൾ പൂർത്തീകരിക്കാൻ പ്രയത്നിച്ചിട്ടുണ്ട്. പുലിമുരുകനു ശേഷം മോഹൻലാൽ സാറും പീറ്റർ ഹെയ്നും വീണ്ടുമൊന്നിക്കുന്നത് സിനിമയുടെ പ്രധാന സവിശേഷതയാണ്. വൃഷഭയ്ക്കായി ഇന്ത്യൻ സിനിമയിലെ തന്നെ ഏറ്റവും വലിയ ആക്ഷൻ സീക്വൻസുകളിൽ ഒന്ന് ഇരുവരും പൂർത്തീകരിക്കുകയും ചെയ്‌തിട്ടുണ്ട്.”

സിനിമയിലെ വൈകാരിക രംഗങ്ങൾ കൊണ്ടും വിഎഫ്എക്സ് കൊണ്ടും മികച്ച ദൃശ്യാനുഭവമാകും പ്രേക്ഷകർക്കായി വൃഷഭ സമ്മാനിക്കുന്നത്. മലയാളം, തെലുഗ്, കന്നഡ, തമിഴ്, ഹിന്ദി ഭാഷകളിൽ ചിത്രം റിലീസിനെത്തും. 2024ൽ 4500ഓളം സ്ക്രീനുകളിൽ ചിത്രം റിലീസിനെത്തും. എ വി എസ് സ്റ്റുഡിയോസിന്റെ ബാനറിൽ അഭിഷേക് വ്യാസ്, ഫസ്റ്റ് സ്റ്റെപ് മൂവീസിന്റെ ബാനറിൽ വിശാൽ ഗുർനാനി, ജൂറി പരേഖ് മെഹ്ത, ശ്യാം സുന്ദർ, ബാലാജി ടെലിഫിലിംസിന്റെ ബാനറിൽ ഏക്ത കപൂർ, ശോഭ കപൂർ, കണക്ട് മീഡിയയുടെ ബാനറിൽ വരുൺ മാതുർ എന്നിവരാണ് ചിത്രം നിർമിക്കുന്നത്.

LEAVE A REPLY

Please enter your comment!
Please enter your name here