നടന് കുണ്ടറ ജോണി അന്തരിച്ചു. 71 വയസ്സായിരുന്നു. ഹൃദയാഘാതത്തെ തുടര്ന്നായിരുന്നു അന്ത്യം. ഹൃദയാഘാതത്തെ തുടര്ന്നായിരുന്നു അന്ത്യം. നെഞ്ച് വേദനയെ തുടര്ന്ന് ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. 1979-ല് അഗ്നിപര്വ്വതം എന്ന ചലച്ചിത്രത്തിലൂടെയാണ് ഇദ്ദേഹം അഭിനയരംഗത്തെത്തിയത്. പിന്നീട് നിരവധി വില്ലന് കഥാപാത്രങ്ങളിലൂടെ അദ്ദേഹം മലയാളികളുടെ മനസില് ഇടം നേടി. കിരീടത്തിലലെ ജോണി അവതരിപ്പിച്ച് പരമേശ്വരന് എന്ന കഥാപാത്രത്തെ മലയാളി മറക്കാന് ഇടയില്ല. പെരുവണ്ണാപുരത്തെ വിശേഷം, നാടോടിക്കാറ്റ് എന്നീ ചിത്രങ്ങളിലും വേഷമിട്ടു.
നൂറിലധികം ചിത്രങ്ങളില് അഭിനയിച്ച കുണ്ടറ ജോണി, അവസാനമായി വേഷമിട്ട ചിത്രം ഉണ്ണി മുകുന്ദന് നായകനായ മേപ്പടിയാന്. മോഹന്ലാലിനൊപ്പം കിരീടത്തില് ചെയ്ത പരമേശ്വരന് എന്ന കഥാപാത്രവും ചെങ്കോലിലെ കഥാപാത്രവും ഏറെ ശ്രദ്ധേയമായി.
ഓഗസ്റ്റ് 15, ഹലോ, അവന് ചാണ്ടിയുടെ മകന്, ഭാര്വചരിതം മൂന്നാം ഖണ്ഡം, ബല്റാം v/s താരാദാസ്, ഭരത്ചന്ദ്രന് ഐപിഎസ്, ദാദാസാഹിബ്, ക്രൈംഫൈല്, തച്ചിലേടത്ത് ചുണ്ടന്, സമാന്തരം, വര്ണപ്പകിട്ട്, ആറാം തമ്പുരാന്, സ്ഫടികം, സാഗരം സാക്ഷി, ആനവാല് മോതിരം, കിരീടം ചെങ്കോല്, നാടോടിക്കാറ്റ് തുടങ്ങി നൂറിലധികം ചിത്രങ്ങളില് അഭിനയിച്ചിട്ടുണ്ട്. വാഴ്കൈ ചക്രം, നാഡിഗന് എന്നീ തമിഴ് ചിത്രങ്ങളിലും വേഷമിട്ടു.
കൊല്ലം ജില്ലയിലെ കുണ്ടറയിലാണ് ജോണി ജനിച്ചത്. പിതാവ് ജോസഫ്, അമ്മ കാതറിന്. കൊല്ലം ഫാത്തിമ മാതാ കോളജ്, ശ്രീ നാരായണ കോളജ്എന്നിവിടങ്ങളിലായിരുന്നു വിദ്യാഭ്യാസം. കോളജില് പഠനകാലത്ത് കൊല്ലം ജില്ലാ ഫുട്ബോള് ടീം ക്യാപ്റ്റനായിരുന്നു.
1978ല് ഇറങ്ങിയ നിത്യവസന്തം ആയിരുന്നു ആദ്യ സിനിമ. പിന്നാലെ എ.ബി. രാജിന്റെ കഴുകന്, ചന്ദ്രകുമാറിന്റെ അഗ്നിപര്വതം, കരിമ്പന, രജനീഗന്ധി തുടങ്ങി ഒട്ടനവധി ചിത്രങ്ങള്. പതിയ പതിയെ മലയാളസിനിമയിലെ പധാന വില്ലനായി മാറിക്കഴിഞ്ഞിരുന്നു കുണ്ടറ ജോണി. മലയാളത്തിന് പുറമേ തെലുങ്കു,തമിഴ്, കന്നഡ ഭാഷകളിലെ ചില ചിത്രങ്ങളിലും ജോണി അഭിനയിച്ചു. ഭാര്യ : ഡോ. സ്റ്റെല്ല.
updatingggg…